გივი ბალანჩივაძე

დაბადების ადგილი: ქ. თბილისი.

დაამთავრა თბილისის რკინიგზის ტრანსპორტის ინჟინერთა ინსტიტუტის სამშენებლო ფაკულტეტი 1959 წელს.

1959-1962წწ. მუშაობდა ამიერკავკასიის რკინიგზის საგზაო სამშენებლო ტრესტის სამშენებლო უბანზე; 1962-1985წწ. იყო იმავე ტრესტის განყოფილების უფროსი, მთავარი ინჟინერი, მმართველი; 1985-1991წწ. მუშაობდა კავკასიის საუღელტეხილო რკინიგზის მშენებლობის დირექციის უფროსად; 1991-1992წწ. ამიერკავკასიის რკინიგზის უფროსის მოადგილედ მშენებლობის დარგში; 1992-1997წწ. მუშაობდა გაერთიანება "საქრკინიგზაპროექტმშენის" გენერალურ  დირექტორად - გზის უფროსის მოადგილედ; 1997-2001წწ. სს "ტრანსმშენის" გენერალური დირექტორის მოადგილედ.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.68; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.273

• 2000 - ღირსების ორდენი
• საპატიო რკინიგზელი