გიორგი ბარაბაძე

დაამთავრა საქართველოს პოლიტექნიკური ინსტიტუტის სამშენებლო ფაკულტეტი არქიტექტურის სპეციალობით 1954 წელს.

1965-1967წწ. შრომითი საქმიანობა დაიწყო საპროექტო ინსტიტუტ "საქსახპროექტში": იყო ტექნიკოსი, არქიტექტორი. მუშაობდა თბილისის ზონალური სამეცნიერო კვლევითი ტიპური და ექსპერიმენტული პროექტირების ინსტიტუტის ("თბილზნიიეპი") ტიპოლოგიის განყოფილებაში; 1968-1977წწ. საქართველოს საპროექტო კანტორაში; 1977 წლიდან თბილისის მერიის საპროექტო ფირმა "არქდიზაინსერვისში" ხელმძღვანელობდა სახელოსნოს;ა რის მრავალი ხორცშესხმული პროექტის ავტორი და თანაავტორი. მათ შორის აღსანიშნავია: ახალგაზრდული დასასვენებელი კომპლექსი ბაკურიანში (1961-1963წწ. აღინიშნა ახალგაზრდა არქიტექტორთა ნამუშევრების საერთაშორისო გამოფენის დიპლომით), სასტუმრო ფასანაურში (1961წ.), კურორტ არჩმანის (თურქმენეთი) გენგეგმის პროექტი (1963-1964წწ.), სამედიცინო ცენტრი დიღომში - ქირურგიის, თერაპიისა და მორფოლოგიის სამეცნიერო კვლევითი ინსტიტუტების კორპუსები (1963-1965წწ.), საყოფაცხოვრებო მომსახურებისა (ბათუმში, ჭიათურაში, ბიჭვინთაში, ზესტაფონში) და ინდივიდუალური საცხოვრებელი სახლები (თბილისში, წყნეთში, იგოეთში, წავკისში და ა.შ.).

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.68-69 

• ახალგაზრდა არქიტექტორთა ნამუშევრების საერთაშორისო გამოფენის დიპლომი
• სსრკ სასოფლო-სამეურნეო მოღვაწეთა გამოფენის მედალი