ტარიელ ბარათაშვილი

დაბადების ადგილი: სოფელი გუნდაეთი, ჭიათურის რაიონი.

დაამთავრა საქართველოს პოლიტექნიკური ინსტიტუტი, მიმოსვლის გზათა კვალიფიკაციით 1970 წელს.

1970-1971წწ. მსახურობდა საბჭოთა არმიის რიგებში ოფიცრად; 1972-1973წწ. იყო ზესტაფონის სპეც. სარემონტო სამმართველოში უსაფრთხოებისა და ორგანიზაციის პროექტის ინჟინერი 1973-1974წწ. მუშაობდა ცენტრმეტალურგრემონტის" ჭიათურის უბნის უსაფრთხოებისა და ორგანიზაციის პროექტის ინჟინრად; 1974-1975წწ. იმავე ორგანიზაციაში მუშაობდა სამუშაოთა მწარმოებლად; 1975-1976წწ. იყო N8 სამშენებლო ტრესტ "ჭიათურმშენის" სამმართველოს ოსტატი მშენებელი; 1976-1978წწ. მუშაობდა სამთამადნო კომბინატ "ჭიათურმანგანუმის" კომუნალურ განყოფილებაში სარემონტო უბნის უფროსად; 1978-1983წწ. საქართველოს საავტომობილო გზების სამინისტროს N5 საგზაო სამშენებლო-სარემონტო სამმართველოს სამუშაოთა მწარმოებელი იყო, ხოლო 1983-1997წწ. იმავე ორგანიზაციიც უფროსი სამუშაოთა მწარმოებელი; 1997-2001წწ. საექსპლუატაციო უბნის უფროსად; 2001-2003წწ. შპს "თრიალეთის" უბნის უფროსად, ხოლო 2003-2009წწ. მთავარ ინჟინრად; 2005 წლიდან  შპს "გაზმშენი-5"-ის მთავარ ინჟინრად; მიღებული აქვს მონაწილეობა საავტომობილო გზების დაპროექტებასა და მშენებლობაში: რიკოთის უღელტეხილის რეკონსტრუქციის სამუშაოები - გვირაბიდან სოფელ განთიადამდე 40 კმ., თბილისის შემოსავლელი გზის ერთ-ერთი მონაკვეთი, ჟინვალი-ბარისახოს (გვირაბამდე მისასვლელი) გზის მშენებლობა, "ზესტაფონი-სვირი-ბაღდათის" საავტომობილო გზის რეკონსტრუქციის სამუშაოები (მაკადამის წესით), "ხაშური-ზესტაფონი-ქუთაისი-სამტრედია-აბაშა-ხობი-ზუგდიდის" მონაკვეთის სარეაბილიტაციო სამუშაოები, "ნატახტარი-დუშეთის" გზის სარეაბილიტაციო სამუშაოები, "თბილისი-ნატახტარის" გზის 29 კმ-ის რეკონსტრუქცია 6 ხიდით, "ხაშური-ახალციხის" გზის სარეაბილიტაციო სამუშაოები, ბორჯომი-ბაკურიანის  გზის რეაბილიტაცია, ბაკურიანის წრიული გზის ჩათვლით, "თბილისი-მარნეულის" გზის რეაბილიტაცია, "ახალციხე-ვალე-თურქეთის" საზღვრის გზის სარეაბილიტაციო სამუშაოები; 1991 წელს იღებდა მონაწილეობას საქართველოში მიწისძვრის შედეგად დანგრეული გზების სარეაბილიტაციო სამუშაოების შესრულებაში საჩხერესა და ჭიათურაში; მიღებული აქვს საუწყებო სიგელები კეთილსინდისიერი და თავდადებული შრომითი საქმიანობისათვის.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.69