ზაალ ბარამია

დაბადების ადგილი: სოფელი კიწია, მარტვილის რაიონი.

დაამთავრა საქართველოს პოლიტექნიკური ინსტიტუტი ავტომაგისტრალებისა და საქალაქო გზების მშენებლობის სპეციალობით 1957 წელს.

1957-1969წწ. მუშაობდა საკავშირო გაერთიანება "მთავარგზამშენის" სამმართველოში - ოსტატად, სამუშაოთა მწარმოებლად, სამმართველოს მთავარ ინჟინრად; მონაწილეობდა მნიშვნელოვანი საავტომობილო გზების "ნოვოროსიისკი-აბრაუ-დიურსო", "ნოვოროსიისკი-მცირე მიწა", "ზნზპა-ჯეგინკი", ნოვოროსიისკის ავტომაგისტრალისა და "შავწყალა-ბზიფის" საავტომობილო გზის მონაკვეთის მშენებლობაში; 1969 წლიდან  საქართველოს გზების სამინისტროს სისტემაში "ფსოუ-სოხუმი-ქუთაისის" საავტომობილო გზის სამმართველოს საწარმოო-სადისპეტჩერო განყოფილების უფროსად; მშენებარე ობიექტების N2 დირექციის (1976წ.) და N3  საგზაო სარემონტო-სამშენებლო ტრესტის მთავარ ინჟინრად (1979წ.); 1988 წლიდან საწარმოო გაერთიანება "აფხაზავტოგაზის", ხოლო 1999 წლიდან აფხაზეთის ავტონომიური რესპუბლიკის საავტომობილო გზების დირექციის მთავარი ინჟინერი იყო; მიღებული აქვს სსრკ მინისტრთა საბჭოს პრემია. მისი ხელმძღვანელობით აფხაზეთში მრავალი საგზაო ობიექტი და ხელოვნური ნაგებობა აშენდა.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.70; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.252

• 2001 - ღირსების მედალი
• აფხაზეთის ავტონომიური რესპუბლიკის დამსახურებული ინჟინერი