ავთანდილ ბარბაქაძე

დაბადების ადგილი: ქ. ჭიათურა.

დაამთავრა როსტოვის სამშენებლო-საინჟინრო ინსტიტუტი 1957 წელს.

ჩააბარა თბილისის ინდუსტრიულ ინსტიტუტში 1940 წელს. მეორეკურსელი გაიწვიეს სავალდებულო სამხედრო სამსახურში; 1941-1945წწ. მონაწილეობდა მეორე მსოფლიო ომში; ომის შემდგომ პერიოდში მონაწილეობდა სახალხო მეურნეობის აღდგენით სამუშაოებში; 1953 წლიდან დაბრუნდა ჭიათურაში და დაინიშნა ხელმძღვანელ თანამდებობაზე;  1957-1962წწ. მუშაობდა საქართველოს მშენებლობის სამინისტროს ჭიათურის N8  სამშენებლო ტრესტის მთავარ ინჟინრად; 1962-1963წწ. ტრესტის მმართველად; 1963-1977წწ. იყო საწარმოო გაერთიანება "ჭიათურმანგანუმის" კაპიტალური მშენებლობის განყოფილების მთავარი ინჟინერი; 1977-1985წწ. - გენერალური დირექტორის მოადგილე კაპიტალური მშენებლობის დარგში; მისი ხელმძღვანელობითა და უშუალო მონაწილეობით ჭიათურაში აშენდა სხვადასხვა დანიშნულების მრავალი მნიშვნელოვანი ობიექტი; მეორე მსოფლიო ომში გამოჩენილი საბრძოლო თუ შრომითი მამაცობისათვის მრავალგზის იყო დაჯილდოებული სახელმწიფო ორდენებითა და მედლებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.70

• 1979 - საქართველოს დამსახურებული ინჟინერი