გიორგი ცქიმანაური

დაბადების ადგილი: ქ. თბილისი.

დაამთავრა ნოვოროსიის უნივერსიტეტის (ოდესა) სამკურნალო ფაკულტეტი 1914 წელს.

1931-1935 წლებში იყო თბილისის სახელმწიფო სამედიცინო ინსტიტუტის საბრძოლო მომწამვლელ ნივთიერებათა ტოქსიკოლოგიის კურსის ხელმძღვანელი. 1935-1941 წლებში განაგებდა სტომატოლოგიური ინსტიტუტის, ხოლო 1941-1973 წლებში თბილისის სახელმწიფო სამედიცინო ინსტიტუტის ფარმაკოლოგიის კათედრას; 1973 წლიდან იყო ამავე კათედრის კონსულტანტი. შეისწავლიდა ცთომილი ნერვის ორფაზოვან მოქმედებას, ტრამვული შოკის ბუნებას, სინთეზურ ანტიმალარიულ და საანესთეზიო საშუალებებს. ქართველი საბჭოთა ფარმაკოლოგი, 1936 წლიდან მედიცინის მეცნიერებათა დოქტორი, 1939 წლიდან პროფესორი.

წყარო: ქართული საბჭოთა ენციკლოპედია: ტ. 11.-თბ., 1987.-გვ.246

• სკკპ, წევრი (1943-)

• 1961 - საქართველოს მეცნიერებათა დამსახურებული მოღვაწე