The National Library of Georgia მთავარი - ბიბლიოთეკის შესახებ - ელ.რესურსები 
  შესვლა
ბიოგრაფიული ლექსიკონი
დასაწყისიკატეგორიები  
ძიება
პიროვნების სახელი:

საქართველოს ბიოგრაფიულ ლექსიკონში იხილავთ იმ პიროვნებათა ბიოგრაფიებს, რომლებიც საქართველოს ისტორიის ნაწილნი არიან ან დაკავშირებულნი არიან საქართველოსთან, უცხოვრიათ საქართველოში ან მის ფარგლებს გარეთ.

ლექსიკონის მხარდამჭერია საქართველოს პარლამენტის ეროვნული ბიბლიოთეკა.

პროექტი მიზნად ისახავს, გამოაქვეყნოს მაქსიმალურად ყველა ცნობილი ქართველი. ამ უნიკალური ლექსიკონის შევსებაში, ვფიქრობთ, ჩაერთვება მთელი საქართველო.

შემოგვიერთდით ფეისბუკის გვერდზე



იოსებ ტყემალაძე

დაბადების თარიღი:1 მაისი, 1919  (98 წლის)
გარდაცვ. თარიღი:19??
კატეგორია:მსახიობი

ბიოგრაფია

დაბადების ადგილი: სოფელი ჭორვილა, საჩხერის რაიონი.

დაამთავრა კინომსახიობთა სტუდია 1943 წელს.

მუშაობა დაიწყო საჩხერის კულტურის სახლში სამხატვრო ხელმძღვანელად. სხვადასხვა წლებში მსახიობად მუშაობდა ჭიათურის(1945-1948), ზუგდიდის(1948-1949), ცხინვალის(ქართული დასი, 1957-1959) თეატრებში; რეჟისორად და მხატვრად მუშაობდა ჭიათურის(1949-1957), ცაგერის(1950-1961), საჩხერის(1962-1963) კულტურის სახლებში; 1965 წლიდან იყო ჭიათურის თეატრის წამყვანი მსახიობი. მას შესრულებული აქვს 100-ზე მეტი როლი. მათ შორის აღსანიშნავია: არისტო(დ. კლდიაშვილის "სამანიშვილის დედინაცვალი"), გვატა, ხიტუ(ე. პატარაიას "უჩა უჩარდია"), მირზა, აბდულ სადაყი(ი. მოსაშვილის "ჩაძირული ქვები"), კირილე(ი. ჭავჭანიძის "თბილისელი ქალიშვილი"), სვიმონ ლიონიძე(დ. ერისთავის "სამშობლო"), ბურდღუ(კ. ბუაჩიძის "მკაცრი ქალიშვილები"), აკოფა, კოტე(ა. ცაგარელის "ხანუმა"), ნატუტარი, სევასტი, მწერალი(პ. კაკაბაძის "ყვარყვარე თუთაბერი"), მალოვზოროვი, შმაგა(ა. ოსტროვსკის "უდანაშაულო დამნაშავენი"), ერიკ ბერლინგი(ჯ. პრისტლის "ინსპექტორი მოვიდა") და სხვ. იოსებ ტყემალაძის დადგმული სპექტაკლებიდან გამოირჩევა: გ. მოდებაძის "მცდარი ნაბიჯი", ი. ჭავჭავაძის "გლახის ნაამბობი", რ. ერისთავის "ჯერ დაიხოცნენ, მერე იქორწინეს", ა. გეწაძის "მზე ცრემლში" და სხვ. მის მიერ მხატვრულად გაფორმებული სპექტაკლებია: გ. ერისთავის "ძუნწი" და "უჩინმაჩინის ქუდი", დ. კლდიაშვილის "სამანიშვილის დედინაცვალი", ა. ყაზბეგის "ხევისბერი გოჩა", ლ. მილორავას "კერპჯიუტა", მ. ჯაფარიძის "ჩვენებურები" და სხვ.

წყარო: საიუბილეო თარიღებითეატრიმუსიკაკინო.- თბ., 1989. -გვ.41

ჯილდოები, პრემიები და პრიზები

  • 1954 - საქართველოს დამსახურებული არტისტი

გააზიარე: