პარმენ ბუხაიძე

დაბადების ადგილი: სოფელი ნაგარები, თერჯოლის რაიონი.

დაამთავრა ქ. ქუთაისის მუსიკალური სასწავლებელი 1951 წელს (საგუნდო-სადირიჟორო).

მუშაობდა ქუთაისის პედტექნიკუმის დაწყებითი განათლების მეთოდიკის ფაკულტეტზე სიმღერა-მუსიკის მასწავლებლად, აგრეთვე ქუთსისის კულტსაგანმანათლებლო სასწავლებელში საგუნდო კლასის ხელმძღვანელად; ლოტბარობას ჭაბუკობიდანვე შეუდგა; 19 წლის ასაკში ჩაუდგა სათავეში ქუთაისის სასოფლო-სამეურნეო ტექნიკუმის სიმღერისა და ცეკვის ანსამბლს; 1943 წელს ანსამბლმა მხატვრული თვითშემოქმედების დათვალიერებაზე პირველი ადგილი დაიკავა; მომდევნო წლებში ზედიზედ აყალიბებს და უძღვება მომღერალთა გუნდებს ქუთაისის კულტურის სახლში, შრომითი რეზერვების ქუთაისის მეოთხე სახელოსნო სასწავლებელში; ქუთაისის მასწავლებელთა სახლის ანსამბლმა მრავალჯერ მიიღო მონაწილეობა საქალაქო და რესპუბლიკურ ოლიმპიადებში; 1953 წელს მცირე ხნით ქლუხორის რაიონშიც იყო მივლინებული; ქუთაისის ელექტრო-მექანიკურ ქარხანაში მის მიერ ჩამოყალიბებულ ანსამბლს ხალხურ საკრავთა ორკესტრიც ჰყავდა, როგორც ადგილობრივ, ისე საკავშირო დათვალიერებაზე ქარხნის ანსამბლს წარმატებები აქვს მოპოვებული; საქართველოს რადიომ მისი ანსამბლების შესრულებით ჩაწერა 40-მდე სიმღერა; გრამფირფიტების ჩამწერმა საკავშირო სტუდიამ 30-მდე სიმღერა, რომელთაგან 27 საბავშვო სიმღერაა (I-VI კლასელთათვის); შექმნა 30-მდე საკუთარი სიმღერა, მრავალი გადაამუშავა; ლოტბარი.

წყარო: ხალხური სიმღერის მოამაგენი.-თბ., 2007.-გვ. 66

• 1967 - საქართველოს დამსახურებული არტისტი