ნიკოლოზ ბელიაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი ინჟინერ-ელექტრიკოსის კვალიფიკაციით 1947 წელს.

1941 წელს, ჯერ კიდევ სტუდენტი, მეორე მსოფლიო ომში გაიწვიეს; 1947-1950წწ. მუშაობდა სამშენებლო ტრესტ "ხრამჰესმშენში" დიდუბის დიდი ქვესადგურის უფროსად; 1950-1953წწ. იყო საქართველოს კომპარტიის ინსტრუქტორი, 1953 წლიდან კი გაერთიანება "საქჰიდროენერგომშენის" მაღალი ძაბვის ქსელების სამმართველოს უფროსი; მისი მონაწილეობითა და ხელმძღვანელობით შესრულდა სამშენებლო-სამონტაჟო გაერთიანება "საქჰიდროენერგომშენის" ყველა ომისშემდგომ ენერგოობიექტზე ენერგო-სამონტაჟო სამუშაოები; აშენდა "საქმთავარენერგოსა" და "აზენერგოს" სისტემების დამაკავშირებელი 112 კმ სიგრძის მაღალი ძაბვის ელექტროგადამცემი ხაზი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.78; საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ. 36

• საპატიო ნიშნის ორდენი
  საბრძოლო და შრომით სააქმიანობაში მიღწევებისთვის
• წითელი ვარსკვლავის ორდენი
  საბრძოლო და შრომით სააქმიანობაში მიღწევებისთვის
• სამამულო ომის II ხარისხის ორდენი
• სამამულო ომის I ხარისხის ორდენი
  მეორე მსოფლიო ომში გამოჩენილი მამაცობისათვის
• საპატიო ენერგეტიკოსი
• საქართველოს დამსახურებული ინჟინერი