ვალერიან გოგიტიძე

დაამთავერა პეტერბურგის უნივერსიტეტი.

სწავლობდა ქ. ბათუმის სახელოსნო სასწავლებელში, შემდეგ ვაჟთა გიმნაზიაში; სიმღერა ბავშვობიდანვე იზიდავდა, გიმნაზიის გუნდში სოლისტ-მომღერლად ითვლებოდა, თან აქვე ლოტბარობასაც ეწეოდა; პეტერბურგში სწავლის პერიოდში ლოტბარობისკენ მიუწევდა გული სადაც დააარსა მომღერალთა გუნდი; მუსიკალური ცოდნის გასაღრმავებლად პარალელურად სწავლობდა პროფესორ ი. მელნიკოვის კერძო სტუდიაში; პირველი მსოფლიო ომის მონაწილე იყო, დემობილიზაციის შემდეგ ბათუმს დაუბრუნდა; სკოლებში მუსიკას ასწავლიდა, თან მხატვრულ თვითმოქმედებას აქცევდა ყურადღებას; 1927 წელს ბათუმის მუშათა ცენტრალურ კლუბში ჩამოაყალიბა ქალ-ვაჟთა ოთხხმიანი გუნდი; მას დიდ დახმარებას უწევდა მეუღლე ნინო მგელაძე, რომელიც გუნდს შესანიშნავ აკომპანეატორობას უწევდა; მალე გუნდი განათლების მუშაკთა საოლქო სახლს გადაეცა; გუნდი წარმატებით გამოდიოდა რესპუბლიკურ ოლიმპიადებზე, მოსკოვში საკავშირო დათვალიერებაზე მეორე ადგილი დაიმსახურა; გუნდმა ორმოც წელზე მეტ ხანს იარსება; მასში წარმატებით მღეროდნენ ნ. ჭავჭანიძე, ე. მიქელაძე, ნ. შერვაშიძე, ნ. იმნაძე, ო. მახარაძე, ქ. ქავთარაძე, ე. გორგილაძე; ის ერთხანს მელიტონ კუხიანიძეს ეხმარებოდა კაპელის უკეთ მომზადებაში; უფროს მეგობარს ბევრ რამეში დაეხმარა, ხელი შეუწყო გურუგლი ხალხური სიმღერების უკეთ ათვისებაში; სამამულო ომის წლებში თბილისში ცხოვრობდა; ხალხური შემოქმედების სახლში მეთოდისტად მუშაობდა; რამდენიმე სეზონი ალ. გრიბოედოვის სახელობის რუსულ თეატრში სამუსიკო ნაწილს განაგებდა, სპექტაკლებისთვის არჩევდა სიმღერებს; მისი უშუალო ხელმძღვანელობით აღიზარდენენ აჭარაში ცნობილი ლოტბარები: ვ. სადრაძე, ა. ანანიძე, ა. ბერაძე; ლოტბარი.

წყარო: ხალხური სიმღერის მოამაგენი.-თბ., 2007.-გვ. 75

• საქართველოს ხელოვნების დამსახურებული მოღვაწე