ვალერიან ძაბახიძე

დაბადების ადგილი: სოფელი ბზვანი, ახლანდელი ვანის რაიონი.

დაამთავრა ქართული გაერთიანებული სამხედრო სკოლა 1925 წელს. 1931-32 წლებში ლენინგრადის ჯავშანსატანკო ჯარების მეთაურთა მოსამზადებელ კურსებზე სწავლობდა. 1937 წელს დაამთავრა მ. ფრუნზეს სახელობის სამხედრო აკადემია.

1938-1941 წლებში საქართველოს სსრ სამხარეო კომისარი იყო. დიდი სამამულო ომის 1942-1945 წლებში მეთაურობდა 224-ე, 414-ე  ქართულ მსროლელ დივიზიებს, მონაწილეობდა ქერჩის, სიმფეროპოლის და სევასტოპოლის განთავისუფლებისათვის ბრძოლებში. ომის შემდეგ მსახურობდა ვოლგისპირეთის, დონისა და შორეული აღმოსავლეთის სამხედრო ოლქებში. 1956 წლიდან თადარიგში იყო.

წყარო: ქართული საბჭოთა ენციკლოპედია: ტ. 11.-თბ., 1987.-გვ.260; http://dspace.nplg.gov.ge/handle/1234/98047

• საქართველოს სსრ I მოწვევის უმაღლესი საბჭო, დეპუტატი
• სკკპ , წევრი (1925-)

• 1943 - გენერალ-მაიორი
• ლენინის ორდენი