ვლადიმერ ვოლგუსტი

დაბადების ადგილი: ქ. თბილისი.

დაამთავრა ლენინგრადის თეატრალური ინსტიტუტის სარეჟისორო ფაკულტეტი პროფესორ ბ. ზონის ხელმძღვანელობით 1949 წელს.

თბილისში დაბრუნების შემდეგ მუშაობას იწყებს რუსულ მოზარდ-მაყურებელთა თეატრში. დიდი წარმატება მოუპოვა მას ამ თეატრში დადგმულმა სადიპლომო სპექტაკლმა (ლ. გერასკინას "სიმწიფის ატესტატი"). მას ხშირად იწვევდნენ სამუშაოდ საბჭოთა კავშირის სხვადასხვა ქალაქებში. ვ. ვოლგუსტი ნაყოფიერ პედაგოგიურ საქმიანობას ეწეოდა თბილისის ქორეოგრაფიულ სტუდიაში, სადაც ასწავლიდა სამსახიობო ოსტატობას. მის მიერ დადგმული სპექტაკლებიდან აღსანიშნავია: ს. მიხალკოვის "გაამაყებული ბაჭია", ს. აკსაკოვის "ალისფერი ყვავილი", ო. ნეჩაევისა და ვ. ვლადიჩინას "მშვენიერი ვასილისა", შ. პეროს "ჩექმებიანი კატა", ს. მარშაკის "ფისუნიას სახლი", ც. სოლოდარის "მარსელელი ბიჭი"  და სხვა.  რუსულ მოზარდ მაყურებელთა თეატრის სცენაზე რეჟისორმა დადგა ქართველი დრამატურგების პიესები: ლ. ალექსიძის "რისთვის (ი. ჭავჭავაძის მოთხრობების მიხედვით), გ. ბერძენიშვილის "კოჭლი მეწისქვილე", გ. ნახუცრიშვილის "ჭინჭრაქა" და სხვა.

წყარო: ხელოვნების კალენდარი: თეატრი, მუსიკა, კინო.- თბ., 1994.- გვ.23-24; kino-teatr.ru

• 1967 - საქართველოს ხელოვნების დამსახურებული მოღვაწე