ვლადიმერ ბეჭვაია

დაბადების ადგილი: ქ. ფოთი.

დაამთავრა თბილისის პოლიტექნიკური ტექნიკუმი 1931 წელს, შემდეგ სწავლა განაგრძო ქ. ოდესის გემთსამშენებლო ინსტიტუტი.

1936 წელს ჩამოვიდა სამუშაოდ ზუგდიდში; 1956-1958წწ. მისი მონაწილეობითა და ხელმძღვანელობით ქალაქ ზუგდიდში აშენდა ფართოეკრანიანი კინოთეატრი (ახლანდელი "ატრიუმი"), მაცხოვრის კარის გორაზე რესტორანი და რუსთაველის ქუჩის ხეივანი, რომელიც მთელს სიგრძეზე გასდევს მას და დღემდე რეკონსტრუირებული სახით ამშვენებს ქალაქს; 1953-1957წწ. იყო ქ. ზუგდიდის მთავარი ინჟინერ-არქიტექტორი; 1958-1960წწ. კი სამშენებლო-სარემონტო სამმართველოს მთავარი ინჟინერი; 1960 წლიდან სიცოცხლის ბოლომდე იყო საქართველოს "მშენბანკის" ზუგდიდის განყოფილების უფროსის მოადგილე და მთავარი ინჟინეერი; მისი პროექტების მიხედვით აშენდა ბევრი სკოლა და საავადმყოფო ზუგდიდის რაიონის სოფლებში; მიღებული ჰქონდა არაერთი ჯილდო და სიგელი ობიექტების მშენებლობის დროულად და ხარისხიანად დასრულებისთვის.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.86