გურამ ბზიავა

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სატრანსპორტო ფაკულტეტი საავტომობილო გზების მშენებლის სპეციალობით 1956 წელს.

1956 წელს მუშაობა დაიწყო საქართველოს საავტომობილო გზების სამინისტროს სისტემაში დასავლეთ საქართველოს საავტომობილო გზების უბანზე ოსტატად, უბნის უფროსად; 1962 წლიდან მუშაობა გააგრძელა საპროექტო ინსტიტუტ "საქგზახპროექტში" განყოფილების გამგედ, მთავარი ინჟინრის მოადგილედ და მთავარ ინჟინრად; მისი ხელმძღვანელობით წლების განმავლობაში პროექტირდება რესპუბლიკისათვის სასიცოცხლო მნიშვნელობის საავტომობილო გზები და მასზე არსებული ხელოვნური ნაგებობები, ასევე რესპუბლიკის საზღვრებს გარეთ მშენებარე ობიექტები. კერძოდ: შუა აზიის ქვეყნებში, ავღანეთსა და ალჟირში, სადაც არაერთხელ იქნა მივლინებული, როგორც პროფესოინალი მეგზევე-დამპროექტებელი და ახალი საწარმოო მეთოდების განმახორციელებელი სპეციალისტი; არაერთგზის იყო დაჯილდოებული სახელმწიფო ჯილდოთი და საპატიო სიგელით, როგორც საქართველოს, ასევე საზღვარგარეთის ქვეყნების.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.87

• საპატიო მეგზევე
• საქართველოს დამსახურებული ინჟინერი