ნინო წერეთელი

დაბადების ადგილი: ქ. თბილისი.

დაამთავრა თბილისის სამხატვრო აკადემია 1928 წელს.

იაკობ ნიკოლაძის მოწაფე. უმთავრესად პორტრეტის ჟანრში მუშაობდა. მისი პორტრეტები ინტიმური და ლირიკულია; ფორმები რბილია და განზოგადებული. ნამუშევრები: ე. ნინოშვილის (თაბაშირი, ამჟამად დაკარგულია, 1934), კ. მარჯანიშვილის (მარმარილო, 1935) ბიუსტები; დ. გველესიანის (ქვა, 1926), ა. ღარიბჯანიანის (მარმარილო, 1926),  ნ. თამამშევას (თაბაშირი, 1926), მ. მაიერის (მარმარილო, 1927), ი. თოიძის (თაბაშირი, 1928), ს. ინაშვილის (მარმარილო, 1929), შ. მამალაძის ( მარმარილი, 1930- ყველა საქართველოს ეროვნული მუზეუმი) პორტრეტები: ''სვანი'', ''სვანი ქალი'' (ორივე ბრინჯაო, 1932) და სხვა. იგი მხატვრულად აფორმებდა სპექტაკლებსაც. ქართველი საბჭოთა მოქანდაკე. პირველი ქართველი მოქანდაკე ქალი.

წყარო: ქართული საბჭოთა ენციკლოპედია: ტ. 11.-თბ., 1987.-გვ.308; http://kvira.ge/337554