მელენტი ბისეიშვილი

დაბადების ადგილი: სოფელი მაჩხვარეთი, ლანჩხუთის რაიონი.

სწავლობდა ბაქოს ტექნიკური სასწავლებელის სამშენებლო განყოფილებაზე 1911-1917 წლებში; საქართველოს პოლიტექნიკურ ინსტიტუტში სამშენებლო ფაკულტეტზე 1920 წლიდან.

1918-1920წწ. მუშაობდა ოზურგეთში მშენებელი ტექნიკოსის თანამდებობაზე; 1929 წლიდან მუშაობდა საქართველოს გზატკეცილების მთავარი სამმართველოს გზების საპროექტო-საძიებო განყოფილებაში; 1935 წლიდან მუშაობდა საგზაო მშენებლობის სხვადასხვა ობიექტზე; ხელმძღვანელობდა ხიდების მშენებლობას მდ. ლიახვზე და მდ. ენგურზე; მისი უშუალო მონაწილეობითა და ხელმძღვანელობით აშენდა "ბზიფი-რიწის ტბის" მნიშვნელოვანი საავტომობილო გზა, უნიკალური ხელოვნური ნაგებობებით, აგრეთვე "ნატახტარი-გორის" საავტომობილო მაგისტრალი; 1942-1953წწ. მუშაობდა გზატკეცილების მთავარი სამმართველოს სამეცნიერო კვლევით სადგურში უფროს მეცნიერ-მუშაკად, ლაბორატორიის გამგედ; 1953 წლიდან, 30 წელზე მეტი ხნის განმავლობაში მუშაობდა საქართველოს პოლიტექნიკური ინსტიტუტის საავტომობილო გზების კათედრაზე დოცენტად; იყო ტექნიკურ მეცნიერებათა კანდიდატი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.89-90