გიორგი ბიჭაშვილი

დაბადების ადგილი: სოფელი გლოლა, ონის რაიონი.

დაამთავრა საქართველოს პოლიტექნიკური ინსტიტუტი საგზაო სამშენებლო მანქაქნებისა და მოწყობილობების სპეციალობით 1974 წელს.

1972-1974წწ. გაიარა სავალდებულო სამხედრო სამსახური საბჭოთა არმიის რიგებში; 1969 წლიდან შრომითი საქმიანობა დაიწყო თბილისის სამრეწველო საწარმოში - ტექნიკოსად; 1975 წლიდან მუშაობდა საქართველოს მშენებლობის სამინისტროს მექანიზაციის ტრესტის პირველ სამმართველოში ცვლის უფროსად, უბნის უფროსად; 1979 წლიდან მუშაობდა საქართველოს მშენებლობის სამინისტროს მე-14 სამშენებლო ტრესტის საწარმოო კომბინატში ცვლის უფროსად, მთავარ მექანიკოსად, დირექტორის მოადგილედ; 1982-1986წწ. საპასუხისგებლო თანამდებობებზე მუშაობდა საკავშირო დაქვემდებარების სამინისტროების საწარმოო კომბინატებსა და ქარხნებში; 1986 წელს სამუშაოდ გადადის ტურიზმის რესპუბლიკური საბჭოს სამშენებლო ორგანიზაციის ხელმძრვანელად; 1992-1995წწ. ონის რაიონის გამგებლის მოადგილე. საქართველოს პარლამენტის წევრი: მაჟორიტარი,  N43 ონის საარჩევნო ოლქი, ფრაქცია "აღორძინება", იურიდიულ საკითხთა და დარგობრივი ეკონომიკის კომიტეტების წევრი (1995-1999). 2000 წლიდან დამოუკიდებელ გაზეთ "2000"-ის დირექტორი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.91; საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015/ კობა ამირხანაშვილი.- თბ.-2015.-გვ. 95

• საქართველოს ეროვნულ და სოციალურ ურთიერთობათა აკადემია, ნამდვილი წევრი (1997-)
• საქართველოს მე-4 მოწვევის პარლამენტი, წევრი (1995-1999)