გიორგი ბოგიშვილი

დაბადების ადგილი: ქ. თბილისი.

დაამთავრა თბილისის ნავთობის ტექნიკუმი 1956 წელს; სწავლობდა საქართველოს პოლიტექნიკური ინსტიტუტის საღამო განყოფილების ელექტრომექანიკურ ფაკულტეტზე, რომელიც დაამთავრა 1961 წელს.

განაწილებით მუშაობა დაიწყო ქ. სტალინგრადში (ამჟამად ვოლგოგრადი) ნავთობის საბადოებზე ჯერ მბურღავად, შემდეგ ოსტატად; 1957-1967წწ. მუშაობდა თბილისის ელმავალმშენებელ ქარხანაში ზეინკლად, ოსტატად, უბნის უფროსად, საამქროს უფროსად, ავტომატიზაციის ბიუროს უფროსად; 1968 წლიდან იყო, სამონტაჟო ტრესტ "საქსანტექმონტაჟის" თბილისის სამმართველოს სამუშაოთა მწარმოებელი, შემდეგ უფროსი სამუშაოთა მწარმოებელი; 1971-1977წწ. კი თბილისის სამმართველოს უფროსი; 1977-1992წწ. იყო სამონტაჟო ტრესტ "საქსანტექმონტაჟის" მმართველი; 1992 წელს დაინიშნა სანტექნიკურ ნაკეთობათა ქარხნის დირექტორად; 1993 წლიდან გენერალურ დირექტორად; მისი ხელმძღვანელობით შესრულდა რესპუბლიკური საავადმყოფოს სანტექნიკური სამუშაოები, ფილარმონიის საკონცერტო დარბაზის მთლიანი მონტაჟი, თბილისის ზაქარია ფალიაშვილის სახელობის ოპერისა და ბალეტის სახელმწიფო აკადემიური თეატრის სარეკონსტრუქციო სამუშაოები და სხვა.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.92-93

• სსრკ სახელმწიფო პრემია
  "ბაიკალ-ამურის" სარკინიგზო მაგისტრალის ორი დასახლების "იკაბიას" და "ნია გრუზინსკაიას" მშენებლობაში მონაწილეობისათვის