ნოდარ ბოკერია

დაბადების ადგილი: ქ. ფოთი.

დაამთავრა საქართველოს პოლიტექნიკური ინსტიტუტის საგზაო მშენებლობის ფაკულტეტი 1960 წელს.

1962-1965წწ. შრომითი საქმიანობა დაიწყო საავტომობილო გზების საკავშირო საპროექტო ინსტიტუტის თბილისის ფილიალში ტექნიკოსად; მუშაობდა საპროექტო ინსტიტუტ "სოფლმშენსახპროექტში" ინჟინრად; 1965-1967წწ. სოფლის მეურნეობის სამინისტროში - უფროს მშენებელ ინჟინრად; 1967-1972წწ. მევენახეობა-მეხილეობის საბჭოთა მეურნეობების ტრესტში - საპროექტო ჯგუფის უფროსად; 1972-1980წწ. საქართველოს სოფლის მეურნეობის სამინისტროს საპროექტო კანტორის დირექტორად; 1980 წელს სათავეში ჩაუდგა საქართველოს სოფლის მეურნეობის სამინისტროს N1 სარემონტო-სამშენებლო ტრესტს, 1996 წელს - საქართველოს საგადასახადო სამსახურის მცხეთა-მთიანეთის ოპერატიული სამსახურის სამმართველოს; 1998 წელს დაინიშნა საქართველოს საგადასახადო სამსახურის ქვემო ქართლის ოპერატიული სამსახურის სამმართველოს უფროსად, 2000 წელს კი - საქართველოს დაცული ტერიტორიების, ნაკრძალებისა და სამონადირეო მეურნეობის სახელმწიფო დეპარტამენტის თავმჯდომარის მოადგილედ.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.94

• ღირსების ორდენი
• საქართველოს დამსახურებული ინჟინერი