ჯუმბერ ბოკერია

დაამთავრა თბილისის რკინიგზის ტრანსპორტის ინჟინერთა ინსტიტუტი 1957 წელს.

1958 წელს დაიწყო შრომითი საქმიანობა; მუშაობდა საპროექტო ინსტიტუტ "საქქალაქმშენპროექტში" რიგით და უფროს ინჟინრად, ჯგუფის ხელმძღვანელად, არქიტექტურული სახელოსნოს მთავარ კონსტრუქტორად და ინსტიტუტის მთავარ ინჟინრად; მისი უშუალო მონაწილეობითა და ხელმძრვანელობით, დაპროექტდა და აშენდა საქართველოს პოლიტექნიკური ინსტიტუტის გეოლოგიისა და ენერგეტიკის ფაკულტეტების, ონკოლოგიის, რადიოლოგიისა და რენტგენოლოსიის სამეცნიერო კვლევითი ინსტიტუტის შენობები, რესპუბლიკის 1200-ადგილიანი ცენტრალური კლინიკური საავადმყოფო, თბილისის სახელმწიფო უნივერსიტეტის მაღლივი კორპუსი და ბიბლიოთეკა (5 მილიონ ტომზე); ასევე - ბიოლოგიის ფაკულტეტი, საერთო საცხოვრებელი და პედაგოგიური ინსტიტუტი ცხინვალში, სკოლები და საცხოვრებელი სახლები (ასაწყობ-მონოლითური რკინაბეტონის კონსტრუქციების გამოყენებით); ამასთანავე, განხორციელდა ოპერისა და ბალეტის აკადემიური თეატრის აღდგენა-რეკონსტრუქცია; დეფორმირებული საცხოვრებელი სახლის გასწორება-რეკონსტრუქცია (რუსთავში); დაინერგა დასაბურღი-დასატენი ხიმინჯები სხვადასხვა ტიპის შენობებისთვის (დიდი ჩაღრმავებით); მიღებული ჰქონდა სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.95

• 1978 - საქართველოს სახელმწიფო პრემია
  ოპერისა და ბალეტის აკადემიური თეატრის აღდგენა-რეკონსტრუქციისათვის
• საქართველოს დამსახურებული ინჟინერი