ფრიდონ ბოჭორიშვილი

დაბადების ადგილი: სოფელი ჯვარისა, ამბროლაურის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1974 წელს.

1969 წლიდან 1971 წლამდე იყო სავალდებული სამხედრო სამსახურში; ინსტიტუტის დამთავრებისთანავე მუშაობა დაიწყო რუსთავის სამშენებლო-სამონტაჟო სამმართველო "ცენტრმეტალურგმშენში" რიგით თანამშრომლად, შემდეგ მუშაობდა საქართველოს მშენებლობის სამინისტროს ქ. რუსთავის N1 სამშენებლო ტრესტის N6  სამშენებლო სამმართველოში ოსტატად, სამუშაო მწარმოებლად, უბნის უფროსად; 1987-1989წწ. ამავე სამმართველოს მთავარი ინჟინერი იყო, ხოლო 1989 წელს სამმართველოს უფროსად დაინიშნა; 1992 წლიდან მოსკოვში გადავიდა და 2007 წლამდე მუშაობდა შპს "სტროიალიანსის" გენერალური დირექტორის მოადგილედ მშენებლობის დარგში, აშენებდა საცხოვრებელ სახლებს, ბაგა-ბაღებს და სკოლებს; 2010 წლიდან დღემდე იგი საქართველოს შეიარაღებული ძალების სახმელეთო ჯარების საინჟინრო ბრიგადის ზოგად-საინჟინრო ბატალიონში მსახურობს, იყო ოცეულის მეთაური, სამშენებლო სამმართველოს უფროსია.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.98