კირილე ვაშაკიძე

დაამთავრა მოსკოვის გნესინების სახელობის მუსიკალურ-პედაგოგიური სასწავლებელი.

1938 წელს მოსკოვში ხალხურ საკრავთა ორკესტრის ხელმძღვანელთა კვალიფიკაციის ასამაღლებელი კურსები გაიარა; ოცდაათიან წლებში მოლიბდენწარმოების მუშებს შორის პატარა ორკესტრის კაპელმაისტერობა დაეკისრა; 1937 წელს თბილისში არქიტექტურულ ტექნიკუმში კულტმუშაკად მუშაობდა, სადაც ქართულ ხალხურ საკრავთა ორკესტრი ჩამოაყალიბა და იმავე წელს მეოთხე რესპუბლიკურ ოლიმპიადაზე გამოიყვანა; 1938 წელს ხალხური შემოქმედების ცენტრალურ სახლში ჩამოყალიბდა ქართულ საკრავთა ორკესტრი კირილე ვაშაკიძის ხელმძღვანელობით, რომელშიც უკრავდნენ მუსიკალური სკოლებისა და ტექნიკუმების მოსწავლეები; ომის შემდეგ მან ტყიბულს მიაშურა და იქ ჩამოაყალიბა სიმღერისა და საკრავების ანსამბლი, რომელმაც მეექვსე რესპუბლიკურ ოლიმპიადაზე, 1949 წელს საპატიო სიგელი და ქების ფურცელი დაიმსახურა; 1953 წლიდან ის თბილისში მიიწვიეს და მთავარ სახელმწიფო ანსამბლში ჩამოყალიბებული ორკესტრის ხელმძღვანელობა დააკისრეს; მრავალი კონცერტი ჩატარდა როგორც საქართველოში, ისე მის ფარგლებს გარეთაც, მაგრამ მცირე ხნით ხალხურ საკრავთა ორკესტრი გამოეყო ანსამბლს და ცალკე განაგრძობდა არსებობას; შემდგომ ხალხურ საკრავთა ორკესტრს საქართველოს საგუნდო საზოგადოება უწევდა მფარველობას.

წყარო: ხალხური სიმღერის მოამაგენი.-თბ., 2007.-გვ. 93