გიორგი ვაშალომიძე

დაბადების ადგილი: სოფელი მაკვანეთი, მახარაძის რაიონი.

ოჯახის მუსიკალურმა ტრადიციებმა ბავშვობიდანვე გაუღვიძა მუსიკისადმი სიყვარული; ბევრი რამ შეისწავლა ბიძებისაგან -  დიმიტრი და ილარიონ პატარავებისაგან, რომლებიც გურიაში აღიარებული მომღერლები იყვნენ; არმიაში გაიწვიეს და როგორც მომღერალთა გუნდის ხელმძღვანელმა იქ მიიღო პირველი პრაქტიკა; გორში ლეგიონის გუნდს ხელმძღვანელობდა; მშობლიურ მაკვანეთში შვიდი წლის განმავლობაში ხელმძღვანელობდა საკოლმეურნეო გუნდს, თან პედაგოგიურ მოღვაწეობას ეწეოდა იქვე, მაკვანეთის შვიდწლიან სკოლაში, როგორც სიმღერის მასწავლებელი; ორ ათეულ წელზე მეტ ხანს ხელმძღვანელობდა ანასეულის საკვლევი ინსტიტუტის, ნასაკირალისა და ნარუჯის საბჭოთა მეურნეობის პროფკავშირთა გუნდებს; სარაიონო ოლიმპიადებზე ხშირად გამოდიოდა და ყოველთვის საპრიზო ადგილებს იმსახურებდა; სიცოცხლის ბოლო წლებში ხანდაზმული მოღვაწე ხელმძღვანელობდა მახარაძის რაიონის სხვადასხვა სოფლების საკოლმეურნეო გუნდებს; დიდი ენერგია შეალია ხალხური სიმღერის პოპულარიზაციის საქმეს; ლოტბარი.

წყარო: ხალხური სიმღერის მოამაგენი.-თბ., 2007.-გვ. 94