დავით ბრელიძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის სამთო-საინჟინრო ფაკულტეტი 1930 წელს.

ინსტიტუტის დამთავრების შემდეგ სახელმწიფო განაწილებით სამუშაოდ გაგზავნილ იქნა დონბასში ქვანახშირის მაღაროების მშენებლობაზე; 1933 წელს, როგორც ნიჭიერი და პერსპექტიული სპეციალისტი მივლინებული იქნა მოსკოვში მეტროპოლიტენის მშენებლობაზე; მეორე მსოფლიო ომის დაწყებისთანავე, როგორც სამთო-საინჟინრო საქმის გამოცდილი სპეციალისტი გაგზავნილ იქნა საქართველოში, არსებული ქვანახშირის მაღაროების დამუშავების სწრაფი განვითარებისა და ახლების მშენებლობისთვის, ტყიბულისა და ტყვარჩელის საბადოებზე; აღნიშნული სამუშაოების ცენტრალიზებულად ორგანიზებისა და წარმართვის მიზნით საქართველოს მთავრობის დადგენილებით შეიქმნა სამთო-მომპოვებელი გაერთიანება "საქნახშირი", რომლის მთავარ ინჟინრად დაინიშნა; დიდი წვლილი მიუძღვის შაორის წყალსაცავისა და დარიშხანის საბადოების მშენებლობაში, ასევე თბილისის მეტროპოლიტენის მშენებლობაში; იყო მეტროსადგურის "ვაგზლის მოედნის" მშენებლობის უფროსი; მიღებული ჰქონდა სახელმწიფო ჯილდოები და საუწყებო საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.100

• საქართველოს დამსახურებული ინჟინერი