ბახვა ბუაძე

დაამთავრა საქართველოს პოლიტექნიკური ინსტიტუტი 1955 წელს.

მუშაობდა თბილისის საქალაქო საბჭოს აღმასკომში, საპროექტო ინსტიტუტ "თბილქალაქპროექტში", საქართველოს მშენებლობის სამინისტროს N14 სამშენებლო-სამონტაჟო ტრესტის მმართველის მოადგილედ, რკინაბეტონის ქარხნის დირექტორად, სპეციალიზებული სამშენებლო სამმართველო "საძირკველმშენის" უფროსად; იყო საქართველოს მშენებლობის სამინისტროს სამშენებლო გაერთიანება "თბილქალაქმშენის" N1 სახლთსაშენი კომბინატის უფროსის მოადგილე; მნიშვნელოვანი წვლილი აქვს შეტანილი ქ. თბილისის საცხოვრებელი მიკრორაიონების კომპლექსური განაშენიანების საქმეში; მინიჭებული ჰქონდა ტექნიკის მეცნიერებათა კანდიდატის სამეცნიერო ხარისხი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.100