გიორგი წულეისკირი

დაბადების ადგილი: ქ. ყაზანი, რუსეთი.

დაამთავრა ამიერკავკასიის სამთო-მეტალურგიული ინსტიტუტი 1931 წელს.

1931-1945წწ. მუშაობდა ამიერკავკასიის საპროექტო ინსტიტუტ "ჰიდროპროექტის" გეოლოგიური პარტიის უფროსის მოადგილედ, "ხრამჰესის" მშენებლობაზე მთავარ გეოლოგად, იქვე წყალსაცავის მშენებლობის უბნის უფროსად; 1945-1946წწ. საქართველოს მინისტრთა საბჭოს გზატკეცილების მთავარი სამმართველოს "სანდარი-ხრამჰესის" საავტომობილო გზის მშენებლობის უფროსად; 1946-1953წწ. ხელმძღვანელობდა "ხრამჰესმშენის" საგზაო და სამშენებლო ტრესტ "საქჰიდროენერგომშენის" N1 სამშენებლო სამმართველოებს, სიონის ჰიდროკვანძის მშენებლობას; 1953 წელს დაინიშნა ლაჯანურის ჰიდროელერქტროსადგურის მშენებლობის უფროსად; 1961-1963წწ. მივლინებული იყი ეგვიპტის არაბთა რესპუბლიკაში, ასუანის ჰიდროკვანძის მიწისქვეშა სამუშაოების უფროსად; 1963-1964წწ. მუშაობდა "ენგურჰესის" მაღლივი კაშხლის მშენებლობის სამმართველოს უფროსად; 1964-1974წწ. "ენგურჰესის" მშენებლობის კომპლექსური სამმართველოს უფროსის მოადგილედ, "ენგურჰესის" მშენებლობის "გვირაბმშენის" სამშენებლო სამმართველოს უფროსად; ჩატარებული აქვს საძიებო სამუშაოები "აწჰესის" მშენელობაზე, რიონ-ცხენისწყლის, მდინარე ჭიშურისა და ზემო მტკვრის აუზებში; ხელმძღვანელობდა ჰიდროტექნიკური გვირაბებისა და "ლაჯანურჰესის, სსრ კავშირში პირველი, 75-მეტრიანი თაღოვანი უნიკალური კაშხლის მშენებლობებს, არაბთა გაერთიანებულ რესპუბლიკაში ასუანის ჰიდროკვანძის მიწისქვეშა სამუშაოების წარმოებას. გვირაბმშენებელი.

წყარო: ქართული საბჭოთა ენციკლოპედია: ტ. 11.-თბ., 1987.-გვ.347; საქართველოს არქიტექტორთა და მშენებელთა ენციკლოპედია. -თბ., 2017.-გვ.687

• საქართველოს კპ XX ყრილობის დელეგატი
• სკკპ , წევრი (1947-)

• 1951 - სსრკ სახელმწიფო პრემია
  ხრამჰესის მშენებლობისთვის
• ეგვიპტის არაბთა რესპუბლიკის ორდენი
• შრომის წითელი დროშის ორდენი (2 ორდენი)
• სსრკ სახალხო მეურნეობის მიღწევათა გამოფენა (ВДНХ), დიდი ვერცხლის მედალი