აკაკი გოჩალეიშვილი

დაბადების ადგილი: აბაშის რაიონი.

დაამთავრა ონტოფოს არასრული საშუალო სკოლა 1930 წელს.

1930-1935წწ. სწავლობდა თბილისის მე-2 მოზრდილთა ათწლედში, 1936-1938წწ. თბილისის პოლიტექნიკურ ინსტიტუტში. 1937 წელს მონაწილეობდა საქართველოს მუსიკალურ დეკადაზე მოსკოვში, როგორც გუნდის მომღერალი. 1935-1940წწ. მუშაობდა მსახიობ-მომღერლად დასავლეთ საქართველოს ეთნოგრაფიულ ანსამბლში, რომელსაც ცნობილი ლოტბარი კირილე პაჭკორია ხელმძღვანელობდა. 1940-1941წწ. საქართველოს სიმღერისა და ცეკვის ანსამბლის მომღერალი-სოლისტი იყო. 1941-1943წწ. იგი იმყოფებოდა სამხედრო სამსახურში. 1943-1946წწ. კი მსახიობი-მომღერალია საქართველოს ხალხური სიმღერისა და ცეკვის ანსამბლისა, ხოლო 1946-1947წწ. მსახიობ-მომღერლად იყო დასავლეთ საქართველოს სიმღერისა და ცეკვის ანსამბლში. 1947 წლიდან პენსიაში გასვლამდე იყო საქართველოს ხალხური სიმღერისა და ცეკვის ანსამბლის მსახიობი-მომღერალი. დიდი ამაგი დასდო ქართული ხალხური სიმღერის განვითარებისა და პოპულარიზაციის საქმეს. მღეროდა მთელ რიგ სოლო პარტიებს: "მხედრულში", "ლილეოში", "კუჩხი-ბედნიერში", აფხაზურ "დაჭრილის სიმღერაში", "ოდოიაში", "სატრფიალოში" და სხვა. მან დიდი მონდომებით დაამუშავა სიმღერები: "ქართველო ხელი ხმალს იკარ", "არაგვისპირული ლაშქრული", "ლაშქრად წასვლა მას უხარის" და სხვა. 

წყარო: საიუბილეო თარიღები: თეატრი, მუსიკა, კინო.- თბ., 1990.-გვ.22

• 1956 - საქართველოს დამსახურებული არტისტი