ლილი ფოფხაძე

დაბადების ადგილი: ქ. ოზურგეთი.

დაამთავრა თბილისის სახელმწიფო უნივერსიტეტის ფილოლოგიური ფაკულტეტის ჟურნალისტიკის განყოფილება.

1962-1972წწ. მუშაობდა გამომცემლობა "საბჭოთა საქართველოში"; 1972 წლიდან იყო რუსთაველის თეატრის სალიტერატურო ნაწილის გამგე. წლების მანძილზე ეწეოდა ნაყოფიერ ლიტერატურულ მოღვაწეობას. თანაავტორია პიესისა "ვარიაციები თანამედროვე თემაზე"; თარგმნილი აქვს პიესები: ა. გელმანის "დასაწყისი", ე. შვარცის "დრაკონი", მ. შატროვის "ლურჯი ცხენები წითელ ბალახზე" (რ. სტურუასთან ერთად), კ. ჰიგინსის და უ. კარიერის "ჰაროლდი და მოდი", შექსპირის "მეფე ლირი" (გ. ჩარკვიანსა და რ. სტურუასთან ერთად), კალდერონ დე ლა ბარკას "ცხოვრება სიზმარია" (რ. სუტურასთან ერთად).

წყარო: ხელოვნების კალენდარი: თეატრი, მუსიკა, კინო.- თბ., 1995. -გვ.7.

           https://sputnik-georgia.com/columnists/20160116/229810459.html

• 2015 - საქართველოს თეატრალური საზოგადოების სპეციალური პრემია
  ქართული თეატრის წინაშე გაწეული ღვაწლისათვის
• 1981 - საქართველოს ხელოვნების დამსახურებული მოღვაწე