ოთარ ბულია

დაბადების ადგილი: ქ. ზუგდიდი.

დაამთავრა კიშინიოვის პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1962 წელს.

1962-1963წწ. მუშაობდა ქ. სემიპალატინსკში (ყაზახეთის რესპუბლიკა, ყამირის მხარე) სამშენებლო სამმართველოს ინჟინრად; 1963-1969წწ. საქართველოს მშენებლობის სამინისტროს N4 სამშენებლო ტრესტის ზუგდიდის სამშენებლო სამმართველოში - სამუშაოთა მწარმოებლად; 1969-1979წწ. იყო საქართველოს მშენებლობის სამინისტროს სამშენებლო ტრესტ "ბიჭვინთმშენის" სამრეწველო საწარმოთა კომბინატის მთავარი ინჟინერი, დირექტორი; 1979-1992წწ. საქართველოს სასოფლო მშენებლობის N11 სამშენებლო ტრესტის N2 სამშენებლო სამმართველოსა და ამავე ტრესტის მექანიზაციის სამმართველოს მთავარი ინჟინერი, სამმართველოს უფროსი; აქტიურად იყო ჩართული და მონაწილეობდა მრავალი მნიშვნელოვანი საწარმოს, მათ შორის - საკონსერვო, ღვინისა და ლუდის ქარხნების მშენებლობაში. ასევე, ქ. გაგრის საკურორტო კომპლექსების, საგანმანათლებლო და საზოგადოებრივი დანიშნულების ობიექტების მშენებლობაში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.103