ნინო წინამძღვრიშვილი

დაბადების ადგილი: ქ. ქარელი.

სხვადასხვა წლებში მსახიობად მუშაობდა: ქუთაისის (1921-1925 და 1926-1927), ჭიათურის (1925-1926), ონის (1927-1929), ხაშურის (1930-1931), სიღნაღის (1931-1932 და 1933-1934), ფოთის (1937-1938) თეატრებში. 1938 წლიდან გარდაცვალებამდე ქუთაისის თეატრში მოღვაწეობდა. მის მიერ შესრულებული როლებიდან აღსანიშნავია: მაგდანა, ფოფოდია (შ. დადიანის "ნაპერწკლიდან", "გუშინდელნი"), კატინა (ავქ. ცაგარელის "რაც გინახავს, ვეღარ ნახავ"), მამიდა (ტ. რამიშვილის "სტუმარ-მასპინძელი"), ნანა (ს. კლდიაშვილის "გმირთა თაობა"), დარეჯანი (გ. ნახუცრიშვილის, ბ. გამრეკელის "ლადო კეცხოველი"), გალჩიხა, კაბანიხა (ა. ოსტროვსკის "უდანაშაულო დამნაშავენი", "ჭექა-ქუხილი"), პროსტაკოვა (ფონვიზინის "უმწიფარა"), არხიპოვა (ა. კორნეიჩუკის "პლატონ კრეჩეტი"), ფაშარი (დენერისა და კორმონის "ორი ობოლი") და სხვა.

წყარო: ხელოვნების კალენდარი: თეატრი, მუსიკა, კინო.- თბ., 1995. -გვ.11

• 1940 - საქართველოს დამსახურებული არტისტი