შალვა ბურჭულაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1949 წელს, 1952 წელს - ასპირანტურა.

1955 წლიდან გარდაცვალებამდე მუშაობდა საქართველოს ენერგეტიკის ს/კ ინსტიტუტში უმცროს, უფროს და წამყვან მეცნიერ-თანამშრომლად, განყოფილების გამგედ; სამეცნიერო კვლევების პარალელურად, ჯერ როგორც დოცენტი და 1985 წლიდან, როგორც პროფესორი, ლექციებს კითხულობდა საქართველოს ტექნიკურ უნივერსიტეტში; მისი სამეცნიერო საქმიანობის ძირითად მიმართულებას წარმოადგენდა ჰიდროტექნიკური ბეტონის კვლევისა და საშენი მასალების ტექნოლოგიური პროცესების სრულყოფის საკითხები; ხელმძღვანელობდა ისეთ მნიშვნელოვან სამეცნიერო სამუშაოებს, როგორებიცაა ბეტონის ყინვამედეგობისა და წყალგაუმტარობის ხარისხის ამაღლებისა და ფიზიკურ-მექანიკური მაჩვენებლების დადგენა, ასევე - მრავალსიხშირიანი ვიბრაციული მაგიდის შექმნა, რომელიც ქარხნული ნაკეთობების დამზადების ვადის შემჭიდროებისა და ცემენტის დაზოგვის შესაძლებლობას იძლევა; ხელმძღვანელობდა ლაჯანურის, ენგურისა და ჟინვალის ჰესებზე შესრულებულ თემატურ სამუშაოებს, რომლებიც მაღალი ეკონომიკური და ტექნიკური ეფექტით დაინერგა მოქმედ ენერგოობიექტებზე; ასევე, დარგობრივი სტანდარტებისა და ტექნიკური მითითებების შესრულებას ჰიდროტექნიკური ბეტონის, ცემენტის, შემვსები მასალებისა და ბეტონის სამუშაოების მიღების საქმეში; არის 70 სამეცნიერო და პედაგოგიური ნაშრომისა და გამოგონების ავტორი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.105-106; საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ. 54

• საქართველოს დამსახურებული ინჟინერი

• საშენი მასალები : სახელმძღვ. პოლიტექნ. ინ-ტის სამშ. ფაკ-ტის სტუდ. (ავტორი). - თბილისი, განათლება, 1988. - 287გვ.
• საშენი მასალების ლაბორატორიული სამუშაოები : დამხმარე სახელმძღვანელო (თანაავტორი). - თბილისი, დამხმარე სახელმძღვანელო, 1981. - 133გვ.
• თაღური კაშხალები საქართველოში (თანაავტორი). - თბილისი, საბჭ. საქართველო, 1963. - 31გვ.
• ბეტონი ადგილობრივ მასალაზე (თანაავტორი). - თბილისი, საბჭ. საქართველო, 1959. - 41გვ.