ვილენ გაბაშვილი

დაბადების ადგილი: ქ. თბილისი.

დაამთავრა თბილისის რკინიგზის ტრანსპორტის ინჟინერთა ინსტიტუტი ხიდებისა და გვირაბების სპეციალობით 1960 წელს.

1960 წლიდან მუშაობდა საქართველოს მშენებლობის სამინისტგროს N1 სამშენებლო ტრესტ "ამიერკავკასმეტალურსმშენის" სისტემაში - მშენებელ ოსტატად, სამუშაოთა მწარმოებლად, უბნისა და საამქროს უფროსად; 1960-1965წწ. რკინაბეტონის კონსტრუქციების ქარხანაში მთავარ ინჟინრად; 1965-1966წწ. იყო ამავე ტრესტის ქიმიური და მეტალურგიული მრეწველობის ობიექტების სამშენებლო სამმართველოს მთავარი ინჟინერი; 1967-1969წწ. ტრესტის მთავარი ინჟინრის მოადგილე; 1971-1972წწ. ტრესტ "საქმშენინდუსტრიის" მმართველი; 1972-1977წწ. იყო საქართველოს კპ ცენტრალური კომიტეტის მშენებლობის განყოფილების ინსტრუქტორი; 1979-1981წწ. კურირებდა რესპუბლიკის უმნიშვნელოვანეს სამშენებლო ობიექტებს; სწავლობდა სსრკ სახალხო მეურნეობის აკადემიაში; 1981-1988წწ. იყო საქართველოს მშენებლობის მინისტრის მოადგილე, პირველი მოადგილე; 1966-1967წწ. მივლინებული იყო სამუშაოდ საზღვარგარეთ მონღოლეთის, 1969-1971წწ. ერაყისა და 1977-1979წწ. იემენის მნიშვნელოვან მშენებლობებზე; 1988-1992წწ. იყო სსრ კავშირის სავაჭრო წარმომადგენელი იემენში, ხოლო 1992-1995წწ. - საქართველოს მინისტრთა საბჭოს მრჩეველი; 1995-1998წწ. დამოუკიდებელ სახელმწიფოთა თანამეგობრობის საერთაშორისო ეკონომიკურ კომიტეტში წარმოადგენდა საქართველოს, საქართველოს დეპარტამენტის ხელმძღვანელის სახით; 1998-2002წწ. მუშაობდა სს არქიტექტურის საერთაშორისო ცენტრ "სუხანოვის" გენერალურ დირექტორად; 2002 წლიდან მოსკოვის საერთაშორისო უნივერსიტეტის პრორექტორია; დაჯილდოებულია საქართველოსა და სსრკ ორდენებითა და მედლებით, იემენის რესპუბლიკის "ერთგულების" ორდენით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.108; წიგნი ღირსებისა: ტ. 2 / შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.39

• 1997 - ღირსების ორდენი
• საქართველოს დამსახურებული ინჟინერი