იური თავბერიძე

სწავლობდა ქ. ბათუმის პედინსტიტუტში.

თოთხმეტი წლისა უკვე მახარაძის საფერშლო სკოლის ასოცკაციან გუნდს ხელმძღვანელობდა; 1936 წელს თავისი ოჯახის წევრებისაგან შეადგინა კვინტეტი, რომელმაც სარაიონო დათვალიერებაზე პირველი ადგილი მოიპოვა; ოთხი წლის შემდეგ ჩამოაყალიბა აგიტბრიგადა, რომელმაც 20 საჯარო და 34 საშეფო კონცერტი გამართა; 1944 წელს სოფელ კონჭკათის აგიტბრიგადას ხელმძღვანელობდა; 1945 წელს სოფელ ნატანების გუნდმა თავი ისახელა რაიონულ დათვალიერებაზე; მუსიკის მასწავლებლადაც მუშაობდა, ასაწვლიდა სიმღერას მახარაძის სახელმწიფო პედასასწავლებელში; მისი მონაწილეობით ბათუმის პირველი სახელოსნო სასწავლებლის მომღერალ-მოცეკვავეთა გუნდმა შრომითი რეზერვების რესპუბლიკურ დათვალიერებაში მიიღო მონაწილეობა(ქორეოგრაფი: ა. ჯიჯეიშვილი), მათ პირველი ადგილი დაიკავეს, ხოლო 1952 წელს შრომითი რეზერვების რესპუბლიკურ დათვალიერებაზე, თბილისში, ამავე სასწავლებლის მომღერალთა გუნდმა კვლავ დაიმსახურა პირველი ადგილი; 1953 წელს ამიერკავკასიის საოლქო დათვალიერებაში სამხედრო ნაწილის სიმღერისა და ცეკვის ანსამბლმა პირველი ადგილი დაიკავა, რაც ანსამბლის ხელმძღვანელის დამსახურება და გამარჯვება იყო; 1957 წლიდან მუშაობდა თბილისის კულტსაგანმანათლებლო სასწავლებლის ბათუმის ფილიალის მასწავლებლად; მას იცნობდნენ, როგორც თვითმოქმედ კომპოზიტორს, მრავალი კარგი საგუნდო და სოლო სიმღერები აქვს შექმნილი; ლოტბარი.

წყარო: ხალხური სიმღერის მოამაგენი.-თბ., 2007.-გვ. 97

• 1958 - აჭარის კულტურის დამსახურებული მუშაკი
• პირველი ხარისხის დიპლომი