სიმონ დათუკიშვილი

დაბადების ადგილი: ქ. გურჯაანი. 

დაამთავრა შვიდი კლასი ქ. გურჯაანში. 1930 წელს სწავლა განაგრძო თბილისის პირველ სამუსიკო პედაგოგიური ტექნიკუმის საორკესტრო განყოფილებაზე. მისი დასრულების შემდეგ კი შევიდა თბილისის სახელმწიფო კონსერვატორიის საორკესტრო განყოფილებაზე (ჰობოის კლასი).

1936-1937წწ. მუშაობდა მარჯანიშვილის სახელობის თეატრში ორკესტრის მსახიობად, ხოლო 1938 წლიდან თბილისის ოპერისა და ბალეტის სახელმწიფო თეატრში ორკესტრის მსახიობად (ჰობოის), პარალელურად საქართველოს სახელმწიფო ფილარმონიის ორკესტრის მსახიობიც იყო. 1941-1945წწ. უკრავდა ამიერკავკასიის სამხედრო შტაბთან არსებულ ორკესტრში ჰობოიზე და ინგლისურ ქარახსაზე. 1945-1972წწ. მუშაობდა ოპერისა და ბალეტის სახელმწიფო თეატრში ორკესტრის მსახიობად. მის შემოქმედებით ცხოვრებაში ამ თეატრში გატარებული წლები განსაკუთრებით ნაყოფიერი გამოდგა, მას მუშაობა მოუხდა ცნობილ დირიჟორებთან.  

წყარო: საიუბილეო თარიღები: თეატრი, მუსიკა, კინო.- თბ., 1990.-გვ.34

• 1965 - საქართველოს დამსახურებული არტისტი