გრიგოლ კევლიშვილი

დაბადების ადგილი: სოფელი უმანკაია, კრასნოდარის მხარე.

სწავლობდა გიმნაზიაში, რომელიც არ დაუმთავრებია. 1921 წელს სცენაზე პირველად გამოვიდა თელავის რაიონულ კლუბთან არსებულ დრამწრის წარმოდგენაში და შეასრულა თედოს როლი ალ. ყაზბეგის "არსენაში". შემდგომში მუდმივად იღებდა მონაწილეობას აღნიშნული დრამწრის წარმოდგენებში. 1926 წლიდან იყო თელავის თეატრის მსახიობი. შესრულებული აქვს 200-მდე როლი. მათ შორის: სვიმონ ლიონიძე (დ. ერისთავის "სამშობლო"), გოჩა (ალ. ყაზბეგის "ხევისბერი გოჩა"), ფანტიაშვილი (ალ. ცაგარელის "ხანუმა"). სიკო, არსენა (ნ. ნაკაშიძის "ვინ არის დამნაშვე"), პაპა თორნიკე (მ. მრევლიშვილის "ხარატაანთ კერა"), ჩონთა (ვაჟა ფშველას "მოკვეთილი"), თორღვაი (გრ. რობაქიძის "ლამარა"), ნიკიფორე (ტრ. რამიშვილის "სტუმარ-მასპინძლობა"), მუროვი (ა. ოსტროვსკის "უდანაშაულო დამნაშავენი"), გოდუნი (ბ. ლავრენიოვის "რღვევა"), არკადი (ა. კორნეიჩუკის "პლატონ კრეჩეტი"), ალექსანდრე და არამ სემიონოვიჩი (ქოჩარიანის "ბრმა მუსიკოსი"), პეპო და ზიმზიმოვი (გ. სუნდუკიანის "პეპო"), ფრანც და კარლოს მოორები (ფ. შილერის "ყაჩაღები"), ფიესკო (შილერის "ფიესკოს შეთქმულება"), კომანდორი (ლოპე დე ვეგას "ცხვრის წყარო") და სხვა.

წყარო: ხელოვნების კალენდარი: თეატრი, მუსიკა, კინო.- თბ., 1995. -გვ.25

• 1961 - საქართველოს დამსახურებული არტისტი