ომარ გაბედავა

დაბადების ადგილი: სოფელი ზემო ჭალადიდი, ცხაკაიას (ამჟ. სენაკი) რაიონი.

დაამთავრა ელექტროტექნიკური ინსტიტუტის საინჟინრო ეკონომიკისა (1976) და შემდეგ საქართველოს პოლიტექნიკური ინსტიტუტის სამშენებლო ფაკულტეტები.

1976-1979წწ. მუშაობდა საქართველოს სოფლის მეურნეობის სამინისტროს სისტემაში: ცხაკაიის სამშენებლო-სარემონტო სამმართველოს საგეგმო და საწარმოო-ტექნიკური განყოფილებების უფროს ინჟინრად; 1979-1980წწ. საწარმოო-ტექნიკური განყოფილების, კომპლექტაციისა მატერიალურ-ტექნიკური მომარაგების კანტორის უფროსად; 1980-1981წწ. იყო ცხაკაიის სამშენებლო-სარემონტო სამმართველოს უფროსისა და N2 სამშენებლო-სარემონტო ტრესტის მმართველის მოადგილე (1981-1986წწ); 1986 წლიდან საქართველოს აგროსამრეწველო გაერთიანება "საქაგრომრეწვის" N2 სამშენებლო-სარემონტო ტრესტის მთავარი ინჟინერი, შემდეგ ტრესტის მმართველი; უშუალოდ ხელმძღვანელობდა რიგი სასოფლო-სამეურნეო, სამრეწველო, სამოქალაქო და კულტურულ-სოციალური დანიშნულების ობიექტების, ჩაის ფაბრიკების, მეცხოველეობის კომპლექსების, სასოფლო-სამეურნეო პროდუქტების გადამამუშავებელი საწარმოების, დასასვენებელი და საცხოვრებელი სახლების მშენებლობასა და საექსპლუატაციოდ გაშვებას; აქტიურად იყო ჩართული რაჭაში, ზემო იმერეთსა და სომხეთში მომხდარი მიწისძვრის შედეგების სალიკვიდაციო სამუშაოებში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.110