ვლადიმერ ჭავჭავაძე

დაბადების ადგილი: ქ. სოხუმი.

დაამთავრა თბილისის სახელმწიფო უნივერსიტეტი 1941 წელს.

1946-1960 წლებში მუშაობდა საქართველოს სსრ მეცნიერებათა აკადემიის ფიზიკის ინსტიტუტში, 1960-1981 წლებში იყო საქართველოს სსრ მეცნიერებათა აკადემიის კიბერნეტიკის ინსტიტუტის დირექტორი; 1967 წლიდან თბილისის სახელმწიფო უნივერსიტეტის თეორიული კიბერნეტიკის კათედრის გამგე. მისი შრომები ეხება ფიზიკის, გამოყენებითი მათემატიკისა და კიბერნეტიკის საკითხებს. მონტე-კარლოს მეთოდის საფუძველზე შექმნა სტოქასტიკური მოდელირების ზოგადი მეთოდი, განავითარა  პერსეპტრონული, სტოქასტიკური და საინფორმაციო პროცესების ფიზიკის მოდელირების საკითხები, დაამუშავა კონცეპტუალური ინტელექტის თეორია და სხვა. მისი თაოსნობით განვითარდა ისეთი დარგები, როგორიცაა ადაპტიური ფოტონიკა, ბოჭკოვანი ოპტიკა, კიბერნეტიკა და სხვა. კიბერნეტიკოსი, ფიზიკა-მათემატიკის მეცნიერებათა დოქტორი (1964), პროფესორი (1967). 

წყარო: ქართული საბჭოთა ენციკლოპედია: ტ. 11.-თბ., 1987.-გვ.379;  ომგადახდილი მეცნიერები : საგამომცემლო ცნობები. კრებული / შემდგ.: გრიგოლ ბრეგაძე. - თბ., 2000. გვ. 133-135 

• საქართველოს მეცნიერებათა აკადემია, აკადემიკოსი (1974-)
• სკკპ , წევრი (1951-)

• პ. მელიქიშვილის სახელობის ძრემია
• მედალი "პრაღის გათავისუფლებისთვის"
• მედალი "იაპონიაზე გამარჯვებისთვის"
• მედალი "გერმანიაზე გამარჯვებისთვის"
• სამამულო ომის II ხარისხის ორდენი
• სამამულო ომის I ხარისხის ორდენი