თამაზ ღოღობერიძე

დაბადების ადგილი: ქ. თბილისი.

1959 წლიდან ქართული ხალხური ცეკვის ხელოვნებას ეუფლებოდა ამიერკავკასიის რკინიგზის ელმავალვაგონშემკეთებელი ქარხნის კლუბში ქორეოგრაფ ვაჟა აბაშიძის ხელმძღვანელობით. 1961 წელს მუშაობდა თბილისის ტრამვაი-ტროლეიბუსების სამმართველოს თვითმოქმედ ქორეოგრაფიულ ანსამბლში გიორგი დარახველიძის ხელმძღვანელობით; 1962 წლიდან ცეკვის ხელოვნებას ეუფლებოდა თბილისის ქორეოგრაფიულ სასწავლებელში ვახტანგ ჭაბუკიანის, სერგო ნონიაშვილისა და სერგო სოლოღოვის ხელმძღვანელობით; 1962-1966წწ. მოცეკვავე მსახიობად მუშობდა თბილისის ზ. ფალიაშვილის სახელობის ოპერისა და ბალეტის თეატრში. ასრულებდა "ქართულსა" და "მთიულურს"; 1966 წლიდან იყო საქართველოს ხალხური ცეკვის სახელმწიფო აკადემიური ანსამბლის სოლისტი. მისი პროგრამიდან განსაკუთრებით აღინიშნება: "ხევსურული", "კინტოური", "მხედრული". ნაყოფიერად მუშაობდა თბილისის სხვადასხვა ზოგადსაგანმანათლებლო სკოლებში პედაგოგად.

წყარო: ხელოვნების კალენდარი: თეატრი, მუსიკა, კინო.- თბ., 1995. -გვ.29

• 2015 - ბრწყინვალების საპრეზიდენტო ორდენი
• 2000 - ღირსების ორდენი
• 1981 - საქართველოს დამსახურებული არტისტი