შალვა გაგოშიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ჰიდროტექნიკური ნაგებობების მშენებლობის სპეციალობით 1969 წელს.

1996 წლიდან საქართველოს ენერგეტიკისა და ჰიდროტექნიკურ ნაგებობათა ს/კ ინსტიტუტში ხელმძრვანელობდა ნაგებობათა დინამიკის განყოფილებას; 1998 წლიდან საქართველოს ტექნიკურ უნივერსიტეტში ეწევა პედაგოგიურ მოღვაწეობას პროფესორის თანამდებობაზე; 1998-2017წწ. იყო საქართველოს ტექნიკური უნივერსიტეტის სამშენებლო ფაკულტეტის ჰიდროინჟინერიის დეპარტამენტის პროფესორი; ავტორია 80-ზე მეტი სამეცნიერო ნაშრომისა. თეორიული და ექსპერიმენტილი ხასიათის კვლევები ჩაუტარა ფოთის, ბჭვინთის, ანაკლიის სანაპირო არეების რეაბილიტაციისა და მდინარეების: ენგურის, რიონის, არაგვის, მტკვრის ჰიდროკვანძების მშენებლობის პროექტებს; გამოიკვლია ქ. ფოთში მდ. რიონის წყალგამყოფი ჰიდროკვანძის ქვედა ბიეფის ნგრევის მიზეზები და დაამუშავა სარეაბილიტაციო წინადადებები; 2006 წელს ჰოლანდიელ სპეციალისტთა მიწვევით, როგორც ექსპერტი, მეთვალყურეობდა სამხრეთ აფრიკის ქ. კეიპტაუნში ჩატარებულ და ფოთის პორტის მოლის რეაბილიტაციასთან დაკავშირებულ ლაბორატორიულ კვლევებს. 1972 წელს თბილისის ჰიდროტექნიკურ ნაგებობათა და ენერგეტიკის სამეცნიერო-კვლევითი ინსტიტუტის ასპირანტი იყო 1974 წელს დაიცვა ტექნიკურ მეცნიერებათა კანდიდატის ხარისხი, ხოლო 1994 წელს - სადოქტორო დისერტაცია.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.114-115; წყარო: საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 77-78; საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ. 61-62

• ამერილის მეცნიერებათა საერთაშორისო ასოციაცია, წევრი
• ჰიდრავლიკოსთა საერთაშორისო ასოციაცია, წევრი

• ღირსების მედალი