მერაბ გაგნიძე

დაბადების ადგილ: ქ. თბილისი.

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი 1973 წელს.

1973-2005წწ. მუშაობდა საპროექტო ინსტიტუტ "საქქალაქმშენსახპროექტში" არქიტექტორად, ჯგუფის ხელმძრვანელად, პროექტის მთავარ არქიტექტორად, სახელოსნოს ხელმძრვანელად, ინსტიტუტის მთავარ არქიტექტორად; 2005 წლიდან იყო შპს "მეგა სტუდიოს" მთავარი არქიტექტორი; 2010 წლიდან შპს "მეგა არტსის" გენერალური დირექტორია; 1994-2012წწ. პროფესიული საქმიანობის პარალელურად ეწეოდა პედაგოგიურ მოღვაწეობას საქართველოს ტექნიკური უნივერსიტეტის არქიტექტურის ფაკულტეტზე; არის მრავალი განხორციელებული პროექტის ავტორი - ქუთაისის ცენტრალური ნაწილის განაშენიანების პროექტი (1974წ.), კულტურის სახლი მესტიის ცენტრში (1975წ.), სპორტული კომპლექსი პანსიონატ "ცივწყალას" ტერიტორიაზე გაგრაში, მიხეილ ხერგიანის სახლ-მუზეუმი მესტიაში (1987წ.), აკადემქალაქის დეტალური დაგეგმარების (1990წ.), პარლამენტის შენობის აღდგენა-რეკონსტრუქცია (1992-2007წწ.), კინოთეატრი "საქართველო" (2007წ.) თბილისში, ტაძარი სოფელ წყნეთში (1999წ.), სამონასტრო კომპლექსი დარიალის ხეობაში (2007წ.); ასევე მრავალბინიანი, მრავალფუნქციური და ინდივოდუალური საცხოვრებული სახლები და სხვა; იყო რამდენიმე გამგეობის წევრი; მიღებული აქვს მრავალი ჯილდო არქიტექტურულ კონკურსებში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.114

• საქართველოს არქიტექტორთა კავშირი, წევრი (1978-)