ზორბეგ ღლონტი

დაბადების ადგილი: ქ. ქობულეთი.

1926 წელს ქობულეთის ოთხწლიანი შრომის სკოლის დამთავრების შემდეგ სწავლობდა ბათუმის პედაგოგიურ ტექნიკუმში. 1937 წელს დაამთავრა შოთა რუსთაველის სახელობის თეატრთან არსებული დრამატული სტუდია.

1937-1945 წლებში მუშაობდა ბათუმის თეატრის მსახიობად, ხოლო 1945-1948 წლებში ხულოს სახელმწიფო თეატრის დირექტორად და სამხატვრო ხელმძღვანელად. 1948 წელს მივლინებულ იქნა ლენინგრადში სარეჟისორო კვალიფიკაციის ასამაღლებელ კურსებზე. ამავე წელს დაინიშნა აჭარის სახელმწიფო ფილარმონიის დირექტორად და სამხატვრო ხელმძღვანელად. 1952-1958 წლებში მუშაობდა ილია ჭავჭავაძის სახელობის ბათუმის დრამატული თეატრის დირექტორად. ზორბეგ ღლონტი ასრულებდა სხვადასხვა  ხასიათის როლებს, რომელთაგან აღსანიშნავია: არსენა(ს. შანშიაშვილის "არსენა"), თედო(ს. კლდიაშვილის "გმირთა თაობა"), ლიონიძე(დ. ერისთავის "სამშობლო"), სოლეიმან-ხანი(ალ. სუმბათაშვილის "ღალატი"), ქვაბულიძე(ა. წერეთლის "პატარა კახი"), ბეგლარი(კ. კალაძის "როგორ"), კომანდირი(გ. მდივანის "ალკაზარი"), ექიმი(ვ. შალიკაშვილის "უნიადაგონი"), გოდუნი(ბ. ლავრენიოვის "რღვევა") და სხვ. დადგმული აქვს სპექტაკლები: ვ. დარასელის "კიკვიძე", ს. კლდიაშვილის "გმირთა თაობა", დ. ერისთავის "სამშობლო", ბ. ლავრენიოვის "რღვევა" და სხვ.

წყარო: საიუბილეო თარიღები: თეატრი, მუსიკა, კინო.- თბ., 1989. -გვ.88

• 1943 - საქართველოს დამსახურებული არტისტი