ნინა ჩაბიევა

დაბადების ადგილი: სოფელი ჯავა, სამხრეთ ოსეთის ავტონომიური ოლქი.

1929 წლიდან აქტიურ მონაწილეობას იღებდა ოსური დრამატული დასის სპექტაკლებში. 1930-1931წწ. სწავლობდა ზ. ფალიაშვილის სახელობის სამუსიკო ტექნიკუმის ვოკალურ ფაკულტეტზე. 1933-1935წწ. სწავლობდა შოთა რუსთაველის სახელობის თეატრთან არსებული სტუდიის ოსურ სექტორში. 1936-1948წწ. მუშაობდა სამხრეთ ოსეთის სიმღერისა და ცეკვის ანსამბლის "სიმდის" სოლისტად. მის მიერ შესრულებული როლებიდან აღსანიშნავია: შალიკო (ი. მიკიტენგოს "სოფიოს სიმღერა"), ჩაბანანი (ა. ჩიჩოევის "დღესასწაული ჩვენს ქუჩაზე"), სანიათი (ე. ურუიმაგოვას "სანიათი"), ზარადა (გ. შავლოხოვის "სასიძო"), დედა (ვ. ვანეევის "კუბატიევის რძალი"), ოთარაანთ ქვრივი (ი. ჭავჭავაძის "ოთარაანთ ქვრივი"), მზევინარი (გრ. ბერძენიშვილის "ცეცხლი"), თინათინი (ვ. გაბესკირიას "მხიარული დილა"), ლიდია (ა. კორნეიჩუკის "პლატონ კრეჩეტი"), ვალია (კ. სიმონოვის "რუსი ხალხი"), გურმიჟსკაია, კრუჩინინა (ა. ოსტროვსკის "ტყე" და "უდანაშაულო დამნაშავენი"), ვასილისა (მ. გორკის "ფსკერზე"), ემილია (შექსპირის "ოტელო"), ჟაკლინა (მოლიერის "ძალად ექიმი") და სხვა.

წყარო: საიუბილეო თარიღები: თეატრი, მუსიკა, კინო.- თბ., 1990.-გვ.51; ქართული საბჭოთა ენციკლოპედია.-თბ.,1987.- ტ. 11, გვ.68

• 1954 - საქართველოს სახალხო არტისტი
• 1940 - საქართველოს დამსახურებული არტისტი
• საპატიო ნიშნის ორდენი