დემურ გადელია

დაბადების ადგილი: ქ. მარტვილი.

დაამთავრა საქართველოს სუბტროპიკული ინსტიტუტის საინჟინრო-მექანიკური ფაკულტეტი 1965 წელს; საქართველოს პოლიტექნიკური ინსტიტუტის სამშენებლო ფაკულტეტი საავტომობილო გზებისა და ხიდების მშენებლობის სპეციალობით 1986 წელს; თბილისის საბანკო-საფინანსო ინსტიტუტი სპეციალობით საბანკო საქმე და კრედიტები.

1965 წელს მუშაობა დაიწყო სენაკის სოფლის მეურნეობის საწარმოო სამმართველოში და პარალელურად სწავლობდა საქართველოს პოლიტექნიკური ინსტიტუტის სამშენებლო ფაკულტეტზე; 1975 წლიდან საქართველოს სოფლილს მეურნეობის სამინისტროს სენაკის №2 სამშენებლო სამმართველოს მთავარ ინჟინერ-მექანიკოსად მუშაობდა, ხოლო შემდეგ დააწინაურეს მექანიზაციისა და ავტოსატრანსპორტო გაერთიანების უფროსად (1977-1980წწ.); 1980 წელს დაინიშნა საქართველოს სოფლის მეურნეობის სამინისრტოს სამშენებლო ტრესტის მმართველის მოადგილედ, ხოლო 1982 წლიდან - საავტომობილო გზების მშენებლობის გაერთიანების უფროსად; 1982-1992წწ. ხელმძღვანელობდა საქართველოს სოფლის მეურნეობის სამინისტროს გზათა სამშენებლო და სატრანსპორტო გაერთიანება; 1992-1995წწ. საქართველოს მიერ დამოუკიდებლობის მოპოვებისთანავე შექმნა აგრო-სამშენებლო კომპანია "სენაკი" და მისი გენერალური დირექტორი იყო; პროფესიული საქმიანობის პარალელურად დაეუფლა საბანკო სპეციალობას; გამოქვეყნებული აქვს ოთხი სამეცნიერო ნაშრონი და რამდენიმე საავტორო წიგნი; აქტიურად მონაწილეობდა ჩვენი ქვეყნის სამშენებლო ინდუსტრიის განვითარებისა და დარგის აღორძინების საქმეში; მისი უშუალო ხელმძღვანელობით აშენდა და საექსპლუატაციოდ გადაიცა სოფლის მეურნეობის დარგის არაერთი მნიშვნელოვანი ობიექტი, საცხოვრებელი სახლები, ხიდები, საავტომობილო გზები დასავლეთ და აღმოსავლეთ საქართველოში; 1995-1999წწ. საქართველოს მე-4 მოწვევის პარლამენტის წევრი, საარჩევნო ფორმა: მაჟორიტარული, მაჟორიტარი №64 სენაკის მაჟორიტარული საარჩევნო ოლქიდან; 1999-2004წწ. საქართველოს მე-5 მოწვევის პარლამენტის წევრი, საარჩევნო ბლოკი: საქართველოს მოქალაქეთა კავშირი, საარჩევნო ფორმა: მაჟორიტარული, მაჟორიტარი №64 სენაკის საარჩევნო ოლქიდან. დაამთავრა საქართველოს ეკონომიკის ინსტიტუტის ასპირანტურა და იქვე დაიცვა საკანდიდატო დისერტაცია; მიღებული აქვს სახელმწიფო ჯილდოები.

წყარო: საქართველოს პარლამენტის ვებგვერდი: parliament.ge; საქართველოს არქიტექტორთა და მშენებელთა ენციკლოპედია. -თბ., 2017.-გვ.116-117; საქართველოს პარლამენტის წევრები 1990-2015/კობა ამირხანაშვილი.- თბ.-2015.-გვ.105; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.189

• საქართველოს მე-5 მოწვევის პარლამენტი, წევრი (1999-2004)
• საქართველოს მე-5 მოწვევის პარლამენტის ბიუჯეტის კონტროლის ქვეკომიტეტი, ქვეკომიტეტის თავმჯდომარე (2002-2004)
• საქართველოს მე-5 მოწვევის პარლამენტის მთიანი რეგიონებისა და განსახლების კომიტეტი, წევრი (2002-2004)
• საქართველოს მე-5 მოწვევის პარლამენტის საფინანსო-საბიუჯეტო კომიტეტი, წევრი (1999-2002)
• საქართველოს მე-5 მოწვევის პარლამენტის ფრაქცია "საქართველოს მოქალაქეთა კავშირი", წევრი (2002-2003)
• საქართველოს მე-5 მოწვევის პარლამენტის ფრაქცია "საქართველოს რეგიონები - მაჟორიტარები", წევრი (1999-2004)
• საქართველოსმე-4 მოწვევის პარლამენტი, წევრი (1995-1999)
• საქართველოსმე-4 მოწვევის პარლამენტის აფხაზეთის პრობლემებთან დაკავშირებით საქართველოს პარლამენტის დროებითი კომისია, წევრი (1996-1999)
• საქართველოსმე-4 მოწვევის პარლამენტის საფინანსო-საბიუჯეტო კომიტეტი, წევრი (1995-1999)
• საქართველოსმე-4 მოწვევის პარლამენტის ფრაქცია "იმედი", წევრი (1995-1999)

• 2000 - ღირსების ორდენი
• საქართველოს დამსახურებული მშენებელი

• ფინანსური მენეჯმენტი (Author). - თბილისი, 2010. - 478გვ.
• ფინანსური მენეჯმენტი : მონოგრაფია (Author). - თბილისი, ფინანსების" გამ-ბა და სტ., 2006. - 300გვ.
• კორპორაციათა ფინანსები : დამხმ. სახელმძღვ. უმაღლ. ეკონ. სასწ. (Author). - თბილისი, ფინანსების" გამ-ბა და სტ., 2006. - 300გვ.