ნათელა საღარაძე

დაბადების ადგილი: ქ. თბილისი.

დაამთავრა თბილისის მე-20 საშუალო სკოლა. 1942-1944 წლებში სწავლობდა შოთა რუსთაველის სახელობის სახელმწიფო თეატრალურ უნივერსიტეტში. 

მისი დებიუტი შედგა მარჯანიშვილის სახელობის თეატრის სცენაზე (ელისაბედი, ი ჭავჭავაძის "კაცია-ადამიანი"). სხვადასხვა წლებში მუშაობდა მარჯანიშვილის(1944-1946), სოხუმის(1946-1948), გორის(1948-1952) თეტრებში. 1952 წლიდან ქუთაისის ლ. მესხიშვილის სახელობის თეტრის მსხიობია. მის მიერ შესრულებული როლებიდან აღსანიშნავია: როზალია(ა. შირვანზადეს "პატიოსნებისათვის"), შუშანა(კ. კალაძის "სოფლის საამო საღამოები"), მისის სიმპსონ(ა. პეტროვის "მშვიდობის კუნძული"), დედოფალი რუსუდანი(გ. ქელბაქიანის "თქმულება დიდ მეგობრობაზე"), გრაფინია ალმავივა(ბომარშეს "ფიგაროს ქორწინება"), ცირა(ლ. ჭუბაბრიას "კარგი ამხანაგი"), ლედი მაკდონალდი(ლ. თაქთაქიშვილის "გრიბოედოვი"), გულქანი(ვაჟა-ფშაველას "მოკვეთილი"), ემილია(უ. შექსპირის "ოტელო"), მისის დაჯენი(ბ. შოუს "ეშმაკის მოწაფე"), მსახიობი ქალი(კ. გოლდონის "სასტუმროს დიასახლისი") და სხვ. 2014 წლის 14 მაისს ნათელა საღარაძეს ქუთაისის თეატრის წინ ვარსკვლავი გაუხსნეს.

წყარო: ხელოვნების კალენდარი: თეატრი, მუსიკა, კინო.- თბ., 1994.- გვ. 83; TOP NEWS-გაიგე მთავარი იმერეთში : psnews.ge; ქუთაისის ლადო მესხიშვილის სახ.თეატრის ვებგვერდი: meskhishvilitheatre.ge

• 1990 - საქართველოს სახალხო არტისტი
• 1963 - საქართველოს დამსახურებული არტისტი
• ღირსების ორდენი