მეიერი გაზაშვილი

დაბადების ადგილი: სოფელი ველი, გორის რაიონი.

დაამთავრა თბილისის რკინიგზის ტრანსპორტის ინჟინერთა ინსტიტუტის სამშენებლო ფაკულტეტი 1952 წელს. 

1952 წლიდან დაიწყო მუშაობა ქ. სევასტოპოლის არქიტექტურის სამმართველოს ინჟინრად; იყო ქ. სევასტოპოლის საპროექტო ინსტიტუტ "გორპროექტის" ინჟინერი და პროექტის მთავარი ინჟინერი; ტრესტ "სტავროპოლსტროის" საპროექტო კანტორის მთავარი ინჟინეერი; 1959 წლიდან მუშაობდა საპროექტო ინსტიტუტ "თბილქალაქპროექტის" N5 არქიტექტურული სახელოსნოს, ხოლო 1970 წლიდან - ინსტიტუტის მთავარ კონსტრუქტორად; მისი უშუალო მონაწილეობით დაპროექტდა თბილისის სპორტის სასახლე (თანაავტორებთან ერთად), საქართველოს სახელმწიფო ფილარმონიის დიდი საკონცერტო დარბაზი, უნივერმაღი "თბილისი", "დინამოს" (ამჟამად ბ. პაიჭაძის სახელობის ეროვნული) სტადიონის რეკონსტრუქცია და სხვა მნიშვნელოვანი ობიექტები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.118

• საქართველოს დამსახურებული ინჟინერი