გივი ჭანუყვაძე

დაბადების ადგილი: სოფელი ცხემლისხიდი, ოზურგეთის რაიონი.

დაამთავრა თბილისის სახელმწიფო უნივერსიტეტი 1950 წელს.

1949-1961 წლებში იყო საქართველოს ალკკ თბილისის საქალაქო კომიტეტის მდივანი, საქართველოს კპ ცკ-ის ინსტრუქტორი. 1955-1956 წლებში საბჭოთა ვაჭრობის საკავშირო დაუსწრებელი ეკონომიკის ინსტიტუტის თბილისის ფილიალის დირექტორი, 1967-1979 წლებში თბილისის ეკონომიკის ფაკულტეტის დეკანი, 1971 წლიდან თბილისის სახელმწიფო უნივერსიტეტის საბუნებისმეტყველო ფაკულტეტების პოლიტეკონომიკის კათედრის გამგე. 1978 წლიდან პრორექტორი ეკონომიკური ფაკულტეტების მუშაობის დარგში. მისი ნაშრომები ძირითადად ეხება თანამედროვე ბურჟუაზიულ პოლიტეკონომიურ კრიტიკას. იგი 100-მდე მეცნიერული შრომის ავტორია. გ. ჭანუყვაძის შრომები თარგმნილია ინგლისურ, გერმანულ, პოლონურ და ჩეხურ ენებზე. დაჯილდოებულია მედლებით. ეკონომიკურ მეცნიერებათა დოქტორი(1966), პროფესორი(1967). 

წყარო: ქართული საბჭოთა ენციკლოპედია: ტ. 11.-თბ., 1987.-გვ.383

• საქართველოს კპ XV, XVIII-XX ყრილობა, დელეგატი
• სკკპ , წევრი (1948-)

• 1983 - საქართველოს მეცნიერებათა დამსახურებული მოღვაწე
• 1980 - საქართველოს სსრ უმაღლესი და საშუალო სპეციალური განათლების სამინისტროს პრემია
• პირველი საუნივერსიტეტო სამეცნიერო პრემია (3 პრემია)

• სსრ კავშირის მოქალაქეთა პირადი საკუთრება და დამხმარე მეურნეობა სოციალიზმის წარმოებით ურთიერთობათა სისტემაში : ანტიმარქსისტული კონცეფციების კრიტიკა (ავტორი). - თბილისი, საბჭ. საქართველო, 1988. - 97გვ.
• სავაჭრო კაპიტალი და სავაჭრო მოგება (ავტორი). - თბილისი, საქ. სსრ ვაჭრობის სამინისტროს გამოც., 1959. - 63გვ.