ლეო ჭედია

დაბადების ადგილი: სოფელი წალენჯიხა, წალენჯიხის რაიონი.

დაამთავრა თბილისის დრამატული სტუდია (ხელმძღვანელი დ. კობახიძე) 1926 წელს.

1926-1936 წლებში მსახიობად მუშაობდა საქართველოს სხვადასხვა თეატრში, 1936 წლიდან იყო სომხური თეატრის ქართულ დასში. ასრულებდა დრამატულ და კომედიურ როლებს. მათ შორის აღსანიშნავია: სიკო (ნ. ნაკაშიძის "ვინ არის დამნაშავე?"), იაგორი (გ. მდივნის "სამშობლო"), ონისე (ალ. ყაზბეგის "ხევისბერი გოჩა"), ყვარყვარე (პ. კაკაბაძის "ყვარყვარე თუთაბერი"), ოტელო (უ. შექსპირის "ოტელო"), ურიელი (კ. გუცკოვის "ურიელ აკოსტა"), სულთანბეგი (უ. ჰაჯიბეკოვის "არშინ-მალ-ალან") და სხვა. დადგმებიდან აღსანიშნავია მ. ჯაფარიძის "ლამპარი", ვ. შკვარკინის "ნაბიჭვარი", გარსია ლორკას "მეწაღის ჯადოქარი ცოლი" და სხვა.

წყარო: ქართული საბჭოთა ენციკლოპედია: ტ. 11.-თბ., 1987.-გვ.388

• 1958 - საქართველოს სახალხო არტისტი
• საპატიო ნიშნის ორდენი