ჩიტოლია ჩხეიძე

დაბადების ადგილი: სოფელი კულაში, სამტრედიის რაიონი.

დაამთავრა ზესტაფონის ქალთა გიმნაზია 1924 წელს.

1930 წლიდან თავისი ცხოვრება სამუდამოდ დაუკავშირა ქართულ კინემატოგრაფიას. თითქმის ნახევარი საუკუნის მანძილზე იგი დაუღლავ შემოქმედებით მუშაობას ეწეოდა ქართულ კინოხელოვნებაში და გადაღებულია 50-მდე ქართულ მხატვრულ ფილმში. მის მიერ ეკრანზე შექმნილი სახეებიდან აღსანიშნავია: ეთერი ("უკანასკნელი მასკარადი"), მარინე ("დარიკო"), ნიფადორა ("დაკარგული სამოთხე"), ჩიტოლია ("ჭირვეული მეზობლები"), ჩიტოლია ("აკაკის აკვანი"), დედოფალი ("ჯურღაის ფარი"), აგრაფინა ("ჭრიჭინა"), სეფორე ("ჩვენი ეზო"), ივლიტა ("დათა თუთაშხია") და სხვა.

წყარო: ხელოვნების კალენდარი: თეატრი, მუსიკა, კინო.- თბ., 1995. -გვ.50; ეროვნული ფილმოგრაფიის პორტალი:     www.geocinema.ge

• 1961 - საქართველოს დამსახურებული არტისტი