გალინა პატარიძე

დაბადების ადგილი: ქ. ბუი, კოსტრომის ოლქი.

დაამთავრა თბილისის 42-ე საშუალო სკოლა 1962 წელს. 1963-1967წწ. სწავლობდა შოთა რუსთაველის სახელობის სახელმწიფო თეატრალური ინსტიტუტის სამსახიობო ფაკულტეტზე (აკ. ხორავას ჯგუფი).

1967 წლიდან იყო მესხეთის თეატრის ერთ-ერთი ფუძემდებელი და მსახიობი. მის მიერ შესრულებული როლებიდან აღსანიშნავია: ნენო (ა. ჩხეიძის "თედორე"), ნაზო (ბერიაშვილის "მეხდაცემული კაკალი"), მაია (ვ. კანდელაკის "მაია წყნეთელი"), გულიკო (ნ. დუმბაძის "მზიანი ღამე"), ნათია (ა. ჩხაიძის "ქეთევანი"), ამალია (შილერის "ყაჩაღები"), მედეა (ლ. სანიკიძის "მედეა"), მაია (გ. ნახუცრიშვილის "დედა, მამა და შვილები"), მირანდოლინა (კ. გოლდონის "სასტუმროს დიასახლისი") და სხვა; 1977 წლიდან მეტეხის თეატრის მსახიობია, სადაც განასახიერა შემდეგი როლები: ქალი (სერვანტესის "მწუხარე სახის რაინდი"), მასწავლებელი (ე. ნიჟარაძის "დაელოდე ვარსკვლავთცვენას"), ბარონესა (გაშეკის "შვეიკი"), დიანა ვაჩნაძე (ვ. კანდელაკის "დრო 24 საათი"), ფრუ სარდი (ბრეხტის "გალილეო გალილეი"), ნესტანი (თ. ჭილაძის "მკვლელობა"), პატიმარი, ელენე (ს. მრევლიშვილის "სიკვდილმისჯილთა თეატრი" და "საბა ხუროთმოძღვარი"), ხალიჯანი (ე. ნინოშვილის "პარტახი"), მომღერალი ქალი (რ. მიშველაძის "უფანდუროდ ნამღერი"); 1978 წლიდან შოთა რუსთაველის სახელობის სახელმწიფო თატრალურ ინსტიტუტში მეტყველების პედაგოგი. გადაღებულია ფილმებში: "კუჩხი ბედინერი" (1978), "მე მოვედი" (ლადოს დედა, 1981);

წყარო: ხელოვნების კალენდარი: თეატრი, მუსიკა, კინო.- თბ., 1995. -გვ.52; ეროვნული ფილმოგრაფიის პორტალი:      www.geocinema.ge

• 1977 - საქართველოს დამსახურებული არტისტი