რამიზ თურმანიძე

ბავშვობიდანვე დიდი სურვილი გაუჩნდა ჩონგურზე დაკვრა ესწავლა და ხალხურ ხელოვნებას დაწაფებოდა; ქედის რაიონის მაღალმთიან სოფელ ოქტომბერში გუნდის ხელმძღვანელობა მიანდეს, ამ საქმეს დიდი მონდომებით შეუდგა; საკოლმეურნეო გუნდს სათანადო რეპერტუარი შეურჩია; 1936 წელს ქედის რაიონის კულტურის სახლის ხელმძღვანელად დააწინაურეს; ათი წლის განმავლობაში უძღვებოდა ქედის რაიონის სიმღერისა და ცეკვის ანსამბლს, რომელსაც მეშვიდე და მერვე რესპუბლიკურ ოლიმპიადებზე წარმატება მოაპოვებინა; 1939 წელს თბილისში სამთვიან საგუნდო-სადირიჟორო კურსებზე მიღებული ცოდნა წარმატებით გამოიყენა; ნოტების საშუალებით მომღერლებს კარგად გადასცემდა კომპოზიტორთა ნაწარმოებებს; ოქტომბრის 50 წლისთავისადმი მიძღვნილ საიუბილეო ფესტივალს სოფელ ოქტომბრისა და წონიბრისის გუნდებით შეეგება; მონდომება და ენერგია არ დაიშურა, რათა დავიწყებას არ მისცემოდა ძველი ხალხური სიმღერები; მან მრავალი მომღერალი და ლოტბარი აღზარდა, ზოგი მათგანი დამოუკიდებლად გაუძღვა ამ მეტად საჭირო და სასარგებლო საქმეს; ლოტბარი.

წყარო: ხალხური სიმღერის მოამაგენი.-თბ., 2007.-გვ. 107